ერაყელმა სამხედროებმა მოსულთან მასობრივი სამარხი აღმოაჩინეს. ერაყის არმიის წარმომადგენელთა განცხადებით, სამარხში ასამდე თავმოკვეთილი ცხედარია.

როგორც სამხედროების განცხადებაშია ნათქვამი, სამარხი მოსულის შემოგარენში, დასახლება ჰამამ ალ-ალიში სკოლის ტერიტორიაზე აღმოაჩინეს. ეს ქალაქი მოსულამდე სამხრეთიდან მისასვლელ გზაზე ბოლო დასახლებული პუნქტია.

გასული კვირის ბოლოს ადამიანის უფლებთა გაერო-ს უმაღლესი კომისრის სამმართველომ განაცხადა, რომ "ისლამური სახელმწიფოს" მებრძოლებმა მოსულის ასობით მშვიდობიანი მცხოვრები სიკვდილით დასაჯეს. ამასთან, გავრცელებული ინფორმაციით, ჯიჰადისტები თავიანთ რიგებში ბრძოლას 10 წლამდე ბავშვებს აიძულებენ. 

შეგახსენებთ, რომ ერაყის სპეცდანიშნულების ძალები მოსულში 2 ნოემბერს შევიდნენ. 

ცნობისთვის, ერაყის სიდიდით მეორე ქალაქი მოსული "ისლამურ სახელმწიფოს" 2014 წლიდან აქვს დაკავებული. ქალაქის გათავისუფლების ოპერაცია ერაყის შეიარაღებულმა ძალებმა და ქურთმა მებრძლებმა 17 ოქტომბერს დაიწყეს. მათ მხარდაჭერას აშშ-ის ხელმძღვანელობით მოქმედი კოალიციის ავიაცია უწევთ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

თაზო დათუნაშვილი რეჟიმის ინიციატივაზე აკონტროლოს ხალხი - ვინც მათ არ ეთანხმება, ყველას დეჰუმანიზაცია და დემონიზება ხდება პროპაგანდის ყველა საშუალებით

მიქელაძე - ავტორიტარული სისტემები სწორედ ასე აფართოებენ ძალაუფლებას, ჯერ ქმნიან ბუნდოვან და ფართო კატეგორიებს, შემდეგ კი მათზე ზედამხედველობის, მონიტორინგისა და დასჯის აპარატს აშენებენ

ონიანი - დაანონსებული მექანიზმი ცენზურის მექანიზმად გვევლინება და მას არაფერი აქვს საერთო დემოკრატიულ საზოგადოებაში ინტერესთა ბალანსთან

ოთხშაბათს და პარასკევს ივანიშვილის რეზიდენციასთან მოვაწყობთ ერთკაციან აქციებს - მშობლები