„ჩემთვის გაურკვეველია რა უნდა გადაწყვიტოს ჯგუფმა, რამდენადაც ვიცი  საკონსტიტუციო კომისია არსებობს 3 წელია და ერთხელაც არ შეკრებილა“, - ასე შეაფასა „ექსპრესნიუსთან“ საუბარში ექსპერტმა პოლიტიკის საკითხებში სოსო ცინცაძემ პრემიერ-მინისტრის ინიციატივა, რომელიც კონსტიტუციაში ცვლილებების შეტანის მიზნით სპეციალური ჯგუფის შექმნას გულისხმობს.

ექსპერტის თქმით, მისთვის გაუგებარია რა ჯგუფზეა საუბარი და რა იქნება მათი კომპეტენცია.

„ჩემთვის გაურკვეველია ერთი რამ, ჯგუფმა რა უნდა გადაწყვიტოს? რამდენადაც ვიცი,  საკონსტიტუციო კომისია არსებობს,  რომელიც დაახლოებით 3 წლის წინ არის შექმნილი და ერთხელაც არ შეკრებილა. თუ იმ კომისიის რეანიმაციაზეა საუბარი ეს ერთი სიტუაციაა. ჯგუფმა რა უნდა გადაწყვიტოს?  საჭიროა კონსტიტუციაში ცვლილებების შეტანა თუ რა ცვლილებების შეტანა არის საჭირო? კონსტიტუციაში ცვლილებების შეტანა რასაკვირველია შესაძლებელია. ჩვენ უკვე ამ  ინიციატივით საფრანგეთს დავეწიეთ, იმიტომ რომ საფრანგეთში მეხუთე რესპუბლიკაა, მეხუთე კონსტიტუციაა. ჩვენ სულ რაღაც 25 წელიწადში მეხუთედ ვაახლებთ  ჩვენს კონსტიტუციას. კონსტიტუციაში ცვლილებების შეტანა ზვიად  გამსახურდიამ დაიწყო  და დღესაც ცვლილებები შეგვაქვს. არ ვიცი რა ჯგუფი იქნება და რა იქნება მისი კომპეტენცია. ცოტა გაუგებარია.  ჩემთვის უფრო დამაჯერებელი იქნება, მხოლოდ კონსტიტუციონალისტებმა იმსჯელონ შესატან ცვლილებებზე. ბუნებით კონსერვატორი ვარ და დეგოლის პრაქტიკა მირჩევნია,  როდესაც ყველა ცვლილება რეფერენდუმზე გადის.   ნებისმიერი ხელისუფლება, ეს მხოლოდ საქართველოს არ ეხება, იგივე საფრანგეთი, დე გოლის ჩათვლით საკუთარი ინტერესებიდან გამომდინარე ცვლიდა კონსტიტუციას. ამიტომ ეს არც დანაშაულია და არც სიახლეა. ყოველ ხელისუფლებას აქვს ცდუნება, რომ მოირგოს კონსტიტუცია. ეს არ არის მხოლოდ  „ქართული ოცნების“  ნოუ-ჰაუ“, - განაცხადა სოსო ცინცაძემ.

ცნობისთვის, პრემიერ-მინისტრი გიორგი კვირიკაშვილი საქართველოს კონსტიტუციაში ცვლილებების შეტანის მიზნით სპეციალური ჯგუფის შექმნის ინიციატივით გამოვიდა. პრემიერის ინიციატივას პრეზიდენტი გამოეხმაურა, რომელიც მზადაა, კონსტიტუციაში შესატანი ცვლილებების მოსამზადებლად სამუშაო ჯგუფი დააფუძნოს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მეუფე ზენონი: ეკლესიის პასუხისმგებლობაა, შეახსენოს ყველას, ძალაუფლება არ დგას კანონზე მაღლა

„ისინი არასტაბილურ მდგომარეობაში არიან.“ ესტონეთმა რუსეთთან მოლაპარაკებების შეწყვეტისკენ მოუწოდა

უკრაინაში რუსეთის დანაშაულებზე სპეციალური ტრიბუნალი ჰააგაში განთავსდება

ივანიშვილის რეჟიმმა, 8 თვის ორსული უკრაინელი ჟურნალისტი საქართველოში არ შემოუშვა