იან კელი იმედოვნებს, რომ „ნაციონალური მოძრაობის“ წევრები პარლამენტში შევლენ

2016-10-11 12:41:53, 699 ნახვა

პოლიტიკა

ამერიკის შეერთებული შტატების ელჩი საქართველოში, იან კელი იმედოვნებს, რომ „ნაციონალური მოძრაობის" წევრები მოპოვებულ მანდატებს დაიკავებენ.

ამის შესახებ ელჩმა "საზოგადოებრივ მაუწყებელს" განუცხადა.

მისი თქმით, დემოკრატიული განვითარების ყველაზე მნიშვნელოვანი ნაწილი მრავალპარტიული, პლურალისტული დემოკრატიაა.

"ჩვენ მხარს ვუჭერთ საქარათველოს. დემოკრატიული განვითარების ყველაზე მნიშვნელოვანი ნაწილი არის მრავალპარტიული, პლურალისტული დემოკრატია. ვფიქრობ, რომ "ერთიან ნაციონალურ მოძაობას" აქვს კარგი კამპანია. ისინი ამ კამპანიით ამაყები უნდა იყვნენ და მე მათგან ველოდები, რომ ამ ვითარებას მიუდგებიან მშვიდობიანი კუთხით. როდესაც დრო მოვა, დაიკავებენ მოპოვებულ მანდატებს მაგრამ, რა თქმა უნდა, ჩვენ ჯერ კიდევ ჩართულები ვართ კამპანიაში და იმედი გვაქვს, რომ ისინი მოიქცევიან ისევე პროფესიონალურად, როგორც პირველ რაუნდში მოიქცნენ", - განაცხადა იან კელიმ.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან