2016-10-08 14:46:07, 880 ნახვა
პოლიტიკა
„ქართული ოცნების“ ინფორმაციით, სოფელ ნაოხრებში 26-ე საარჩევნო უბანზე დარღვევა დაფიქსირდა
„ქართული ოცნების“ ინფორმაციით, ახალციხეში, სოფელ ნაოხრებში 26-ე საარჩევნო უბანზე, „ნაციონალური მოძრაობის“ კანდიდატმა ვაჟა ჩიტაშვილმა კომისიის წევრი უბნიდან შენობის გარეთ გამოიყვანა და ესაუბრებოდა.
„როგორც თვითმხილველები ამბობენ ვაჟა ჩიტაშვილი კომისიის წევრს რუსულ ენაზე დარიგებას აძლევდა - „ ხომ იცი როგორ უნდა მოიქცეო“, ანალოგიური დარღვევა მოხდა ახალციხის სოფელ აბათხევში არსებულ 25 -ე საარჩევნო უბანზე, სადაც ისევ „ნაციონალური მოძრაობის“ კანდიდატმა ვაჟა ჩიტაშვილმა კომისიის წევრი ოგანეზ დურგალიანი გამოიყვანა შენობის გარეთ და გაურკვეველ თემაზე ესაუბრებოდა“, - აცხადებენ „ქართულ ოცნებაში“.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
