სირია-თურქეთის საზღვართან ახლოს აფეთქების შედეგად სულ მცირე 29 ადამიანი გარდაიცვალა, 40-მდე კი დაშავდა, - ამის შესახებ ინფორმაციას BBC ავრცელებს.

მედია საშუალების ცნობით, აფეთქება იდლიბის პროვინციაში ყარაულის შეცვლის დროს მოხდა.

როგორც BBC ადგილობრივებზე დაყრდნობით წერს, უცნობია თუ რამ გამოიწვია აფეთქება. ვრცელდება ინფორმაცია, რომ თვითმკვლელმა ტერორისტმა თავი აიფეთქა. კიდევ ერთი ვერსიით, აფეთქება დისტანციური მართვით მოხდა.

"ისლამურ სახელმწიფოსთან" კავშირში მყოფ სააგენტოს ინფორმაციით, თვითმკვლელმა ტერორისტმა თავი მანქანაში აიფეთქა და მისი სამიზნე აჯანყებულთა კონვოი იყო.

ამასთან, ადგილობრივი აქტივისტების თქმით, ტერიტორიაზე ყუმბარებით სავსე დიპლომატი აფეთქდა.

შეგახსენებთ, რომ აგვისტოში იდლიბის პროვინციაში "ისლამური სახელმწიფოს" მიერ მოწყობილ ტერაქტს 32 მეამბოხე ემსხვერპლა. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ფრანგმა პროკურორებმა ილონ მასკის წინააღმდეგ სისხლის სამართლის გამოძიება დაიწყეს.

ირანი გეგმავს, რომ მსოფლიოს უმსხვილესი IT კომპანიებისგან ჰორმუზის სრუტეში კაბელების გაყვანისთვის გადასახადი დააწესოს

CNN: პენტაგონი ირანზე ახალი დარტყმებისთვის სამიზნეების სიას ამზადებს

უკრაინამ ომის განმავლობაში მოსკოვის ოლქზე ყველაზე მასშტაბური თავდასხმის დროს ენერგეტიკული ობიექტები, თავდაცვის ინდუსტრიის საწარმო და შერემეტიევოს აეროპორტი დაბომბა