სადახლოსა და თბილისის აეროპორტში არადეკლარირებული ოქროს ნაკეთობები აღმოაჩინეს.

შემოსავლების სამსახურის ინფორმაციით, 30 სექტემბერს, საბაჟო გამშვებ პუნქტში „სადახლო-საავტომობილო“, მებაჟე ოფიცრებმა არადეკლარირებული ოქროს (219,75 გრ) ნაკეთობები აღმოაჩინეს. საქონლის საბაჟო ღირებულებამ 17,609.92 ლარი შეადგინა. საქმე შემდგომი რეაგირების მიზნით, საქართველოს ფინანსთა სამინისტროს საგამოძიებო სამსახურს გადაეცა.

„ანალოგიური ფაქტი დაფიქსირდა 1 ოქტომბერს სგპ  ,,თბილისის აეროპორტში“, სადაც არადეკლარირებული ოქროს (816,54 გრ) ნაკეთობები გამოავლინეს. საქონლის საბაჟო ღირებულებამ  47,366.88 ლარი შეადგინა. საქმე შემდგომი რეაგირების მიზნით ფინანსთა სამინისტროს საგამოძიებო სამსახურს გადაეცა.

1 ოქტომბერს, არადეკლარირებული ძვირფასი ლითონის ნაკეთობების კიდევ ერთი ფაქტი გამოვლინდა საბაჟო გამშვებ პუნქტში „სადახლო-საავტომობილო“. მებაჟე ოფიცრებმა არადეკლარირებული ოქროს (40,65 გრ) ნაკეთობები ბრილიანტის თვლებით აღმოაჩინეს. საქონლის საბაჟო ღირებულებამ  3,658.35 ლარი შეადგინა. საქართველოს საგადასახადო კოდექსის 289-ე მუხლის მე-10 ნაწილის მიხედვით, მოქალაქეს, სანქციის სახით  შეეფარდა ფულადი ჯარიმა 3,658.35 ლარის ოდენობით“, - ნათქვამია შემოსავლების სამსახურის განცხადებაში.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ერდოღანის რეჟიმმა თურქული კინოს ვარსკვლევები, მომღერლები და ოპოზიციონერების შვილებიც დააკავა

უკრაინის 19 მოქალაქე შველას ითხოვს, ისინი დარიალის გამშვებ პუნქტში გაუსაძლის მდგომარეობაში არიან

საქართველოში კრიპტოვალუტის გათეთრების საერთაშორისო საქმეზე ამერიკელმა, პოლონელმა და ქართველმა სამართალდამცველებმა ფართომასშტაბიანი სპეცოპერაცია ჩაატარეს

საწვავის ფასების ზრდა, საქართველოში, ინფლაციის ერთ-ერთ მთავარ ფაქტორად რჩება