გაბაშვილი: წინასწარ ვერავის დავადანაშაულებთ, არ ვგავართ ამ ხელისუფლებას

2016-10-04 22:24:52, 736 ნახვა

საზოგადოება

წინასწარ ვერავის დავადანაშაულებთ, არ ვგავართ ამ ხელისუფლებას, - ამის შესახებ "ერთიანი ნაციონაური მოძრაობის" წევრმა გიორგი გაბაშვილმა შემთვსი ადგილას განაცხადა.

მისი თქმით, "სწრაფი და უმკაცრესი რეაგირება უნდა ჰქონდეს ხელისუფლებას, წინააღმდეგ შემთხვევაში, რა თქმა უნდა გაჩნდება ეჭვი, საიდან მოდის ეს ტერორისტული აქტი".

"ფაქტი იყო ერთი, გივი გამოვიდა ოფისიდან, ჩაჯდა მანქანაში და მანქანა აფეთქდა, დაშავდნენ ადამიანები. სწრაფი და უმკაცრესი რეაგირება უნდა ჰქონდეს ხელისუფლებას, წინააღმდეგ შემთხვევაში, რა თქმა უნდა გაჩნდება ეჭვი, საიდან მოდის ეს ტერორისტული აქტი, იმედი მაქვს, პასუხი და გამოძიების შედეგი იქნება სწრაფი და უმოკლესი" - აღნიშნა გაბაშვილმა.

ცნობისთვის, რამდენიმე წუთის წინ კოლმეურნეობის მოედანზე "პირიმზესთან" "ნაციონალური მოძრაობის" ერთ-ერთი ლიდერის გივი თარგამაძის მანქანა აფეთქდა. დაშავებულია სამი ადამიანი.