"ვისურვებდი, მოსამართლის უფლებამოსილების ვადის დამთავრებამდე, საქართველო ევროსასამართლოში ღირსეული კანდიდატით წარსდგეს"

2016-10-01 13:52:37, 1290 ნახვა

კომენტარი

"ვისურვებდი, ევროპის სასამართლოში მოსამართლის უფლებამოსილების ვადის დამთავრებამდე, საქართველოს ჰქონდეს შესაძლებლობა, ღირსეული კანდიდატით წარსდგეს ევროსასამართლოში", - ამის შესახებ უზენაესი სასამართლოს თავმჯდომარმ ნინო გვენეტაძემ ჟურნალისტებს განუცხადა.

როგორც გვენეტაძემ აღნიშნა, მოსამართლეების დანიშვნასთან დაკავშირებით ინფორმირებული არ არის.

„საკითხის ამ რანგში დასმა, პრეცედენტი ყოფილა თუ არა, რომ მოსამართლე ვერ აერჩიათ, არ ვიცი. ალბათ არ ყოფილა, მაგრამ ეს არის მათი პროცედურა, ეს პროცედურები უფრო და უფრო რთულდება ევროპის სასამართლოში. ამ დეტალებზე ინფორმაცია ნამდვილად არ მაქვს“, - განაცხადა გვენეტაძემ.

ცნობისთვის, საქართველომ ადამიანის უფლებათა ევროპულ სასამართლოში მოსამართლეობის კანდიდატებად ევა გოცირიძე, გიორგი ბადაშვილი და ალექსანდრე ბარამიძე წარადგინა. ერთ-ერთი ვერსიით მათ სტრასბურგის მოსამართლეობაზე უარი თქვეს, მეორე ვერსიით კი, კენჭისყრა გადაიდო.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან