გიორგი ვაშაძე პაატა ბურჭულაძესთან საარჩევნო ბლოკში რჩება

2016-09-28 17:08:26, 991 ნახვა

პოლიტიკა

გიორგი ვაშაძის პარტია პაატა ბურჭულაძის პოლიტიკურ გაერთიანებაში რჩება, - ამის შესახებ გიორგი ვაშაძემ ბრიფინგზე ჟურნალისტებს განუცხადა.

როგორც ვაშაძემ აღნიშნა, ის გუნდში რჩება და საპარლამენტო არჩევნებში მონაწილეობას ბურჭულაძის ბლოკიდან მიიღებს.

"ჩემთვის ძალიან მნიშვნელოვანია ერთიანი ძალებით ბრძოლა. გუნდი, რომელიც შეკრულია ჩვენს გაერთიანებაში, მზადაა გააგრძელოს ბრძოლა", - განაცხადა ვაშაძემ.

ცნობისთვის, გადაწყვეტილებას წინ "სახელმწიფო ხალხისთვის" და "ახალი საქართველოს" ლიდერებს შორის რამდენიმე საათიანი კონსლუტაციები უძღოდა. ბლოკის შემადგენლობაში ასევე ”ახალი მემარჯვენეები” რჩებიან.

შეგახსენებთ, რომ პაატა ბურჭულაძის მოძრაობა "სახელმწიფო ხალხისთვის“ „გირჩმა“ დატოვა. ახალი პოლიტიკური ცენტრის განცხადებით, ისინი 2016 წლის საპარლამენტო არჩევნებში მონაწილეობას არ მიიღებენ, თუმცა პოლიტიკურ საქმიანობას პარტია აქტიურად გააგრძელებს.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან