"ქართული ოცნება-დემოკრატიული საქართველოს" წყალტუბოს მაჟორიტარი დეპუტატობის კანდიდატი ცოტნე ზურაბიანი წყალტუბოში მოქმედ არასამთავრობო ორგანიზაციებს შეხვდა.

 შეხვედრის მიზანი  არასამთავრობო სექტორისთვის წყალტუბოს შესახებ სამოქმედო გეგმის გაცნობა და გამარჯვების შემთხვევაში სამომავალო თანამშრომლობის გზების განხილვა იყო. "არასამთავრობო ორგანიზაციების ჩართულობა და თანამონაწილეობა ქალაქის ხვალინდელი დღისა და განვითარებისთვის მნიშვნელოვანია. ჩემი მხრიდანაც არის სრული მზაობა, რომ სამომავლოდაც ვითანამშრომლო და განვახორციელოთ ერთობლივი პროექტები, ინიციატივები, რათა მაქსიმალურად ხელი შევუწყოთ ჩვენი ქალაქის განვითარებას", - განაცხადა ცოტნე ზურაბიანმა.

 წყალტუბოში მოღვაწე არასამთავრობო ორგანიზაცია დევნილ ქალთა კავშირის თავმჯდომარის განმარტებით, მნიშვნელოვანია კანდიდატთან პირისპირ შეხვედრა, საჭირო კითვების დასმა და მათზე პასუხების მოსმენა.

 "როდესაც ქალაქში მაჟორიტარი დეპუტატი ამა თუ იმ პარტიიდან იყრის კენჭს, მნიშვნელოვანია არასამთავრობო სექტორთან შეხვედრა. მნიშვნელოვანია, გავეცნოთ მათ შეხედულებებს, მათ სამომავლო გეგმებს და გვქონდეს ურთიერთობები, ჩვენც დავსვათ ჩვენი შეკითხვები და მოვისმინოთ მათგან პასუხები", -აღნიშნა წყალტუბოს დევნილ ქალთა კავშირის თავმჯდომარე ლალი გრიგოლავამ.

 შეხვედრაზე კანდიდატმა არასამთავრობო სექტორს მოსახლეობასთან შეხვედრების მეორე ეტაპის ცხრილი გააცნო.  მეტი ღიაობისთვის ცოტნე ზურაბიანმა არასამთავრობო ორგანიზაციების წარმომადგენლებს   შეხვედრებზე დასწრება შესთავაზა.

 შეგახსენებთ, რომ კანდიდატი მოსახლეობასთან შეხვედრების მეორე ეტაპს 25 სექტემბერიდან განაახლებს.

(NS)

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მედია: ტრამპმა ზელენსკის მოუწოდა, გაბედულად იმოქმედოს რუსეთის წინააღმდეგ

ZEG Storytelling Festival

ბოჭორიშვილი- ევროკავშირში ხშირად ატარებენ შეხვედრებს, იმისთვის რომ საქართველო არ მიიწვიონ

კობახიძემ მოიტყუა, რომ ევროპარლამენტი არ აღიარებს საქართველოს სუვერენიტეტს მთელ ტერიტორიაზე