„ქართული ოცნების“ მარტვილი-აბაშის მაჟორიტარობის კანდიდატი ოთარ დანელია რაიონში არსებული მსხვილი კომპანიის „აგრი-ჯორჯიაში“ („ფერეროში“) მომუშავე პერსონალს შეხვდა.

შეხვედრის მიზანი ადგილობრივებისთვის საარჩევნო პროგრამის გაცნობა და მათი წინადადებების მოსმენა იყო.

კანდიდატი ასევე იმყოფებოდა მარტვილის მუნიციპალიტეტის (მუხურჩა, ვედიტკარი, ბანძა, ნოჯიხევი, ლეხაინდრაო, ნაჯახაო) და აბაშის მუნიციპალიტეტის (კაპანა, ონტოფო, სეფიეთი, სამიქაო-მაიდანი, საკაჭარავოს უბანი) სოფლებში.

ოთარ დანელია მათ სოფლის მეურნეობის სფეროში გატარებულ რეფორმებზე, დაგეგმილ ინფრასტრუქტურულ პროექტებზე, დასაქმების გეგმაზე და რაიონების პოტენციალის განვითარების შესახებ ესაუბრა.

 „სოფლის მეურნეობის მინისტრად მუშაობის პერიოდში, საკმაო გამოცდილება მივიღე. აქტივს, რომელიც ამ ორი წლის განმავლობაში დავაგროვე, მარტვილისა და აბაშის განვითარებისათვის გამოვიყენებ. ყველაფერს გავაკეთებ, რომ თითოეული ოჯახისთვის კეთილდღეობა ხელშესახები გახდეს. ჩვენ შევძლებთ, რომ ოჯახებზე წარწერა: „სახლ-კარი იყიდება“ აღარ იყოს, სოფელს სიცოცხლისუნარიანობას დავუბრუნებთ. ერთმანეთთან მუდმივი კომუნიკაციით და თანამშრომლობით, დარწმუნებული ვარ, ჩვენ მოვახერხებთ ქალაქის განვითარების ახალ რელსებზე გადაყვანას“, - განაცხადა ოთარ დანელიამ ამომრჩეველთან შეხვედრისას.  

(NS) 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მაკრონმა სტარმერს მადლობა გადაუხადა და საფრანგეთსა და ბრიტანეთს შორის თანამშრომლობის გაგრძელება გამოაცხადა

ბრიტანეთის პრემიერ-მინისტრი თანამდებობიდან გადადგა

პოლონეთმა ზელენსკის მიერ დაბრუნებული „თეთრი არწივის ორდენის“ მიღება დაადასტურა

გვარამია ენმ-ზე - ხალხი ერთ პარტიაშია და ბრიფინგებით, სატელევიზიო ეთერებით და სტატუსებით ელაპარაკება ერთმანეთს და წყევლის და აგინებს