“ქართული ოცნება–დემოკრატიული საქართველოს“ გენერალური მდივანი კახი კალაძე, ,,ქართული ოცნების“ ქუთაისის 47–ე ოლქის მაჟორიტარი დეპუტატობის კანდიდატ გენადი მარგველაშვილთან ერთად, კახიანაურის მუნიციპალიტეტის მოსახლეობას შეხვდა.

როგორც "ექსპრესნიუსს" პარტიის პრეს-სამსახურმა აცნობა, შეხვედრაზე ქუთაისში საუნივერსიტეტო ქალაქის მშენებლობის მნიშვნელობაზეც ისაუბრეს, ხაზი გაესვა „ქართული ოცნება–დემოკრატიული საქართველოს“ წინასაარჩევნო პროგრამის ძირითად მიმართულებებს.

„კარგად გვესმის ყველა ის პრობლემა, რომელიც არსებობს ჩვენს ქვეყანაში. ყველა პრობლემა მოგვარდება და გაძლევთ პირობას, რომ თქვენთან ერთად მივაღწევთ სასურველ შედეგს. ჩვენ ვართ თქვენს სამსახურში. ჩვენ ვართ თქვენს მიერ დაქირავებული ადამიანები და გაქვს ვალდებულება, ყველა დაპირება შევასრულოთ. მინდა, წარმატებები ვუსურვო ჩვენი პარტიის მაჟორიტარობის კანდიდატს, გენადი მარგველაშვილს. დარწმუნებული ვარ, 8 ოქტომებრს ყველა ერთად ვიზეიმებთ დიდ წარმატებას, რასაც ,,ქართული ოცნების“ გამარჯვება ჰქვია”, - აღნიშნა კახი კალაძემ.

„ქართული ოცნების“ ქუთაისის 47–ე ოლქის მაჟორიტარი დეპუტატობის კანდიდატის გენადი მარგველაშვილის თქმით კი, მისთვის დიდი პასუხისმგებლობა იქნება, წარმოადგინოს ქუთაისი საქართველოს პარლამენტში.

„ქართული ოცნება–დემოკრატიული საქართველოს“ გუნდი მზად არის, მუხლჩაუხრელად და თავდაუზოგავად აკეთოს კეთილი საქმეები მომავალი თაობებისთვის“, - განაცხადა გენადი მარგველაშვილმა.

(NS)

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

გვარამია ენმ-ზე - ხალხი ერთ პარტიაშია და ბრიფინგებით, სატელევიზიო ეთერებით და სტატუსებით ელაპარაკება ერთმანეთს და წყევლის და აგინებს

მოქალაქეების 71% მხარს უჭერს ქვეყნის ევროკავშირში გაწევრიანებას, თუმცა 49% მიიჩნევს, რომ საქართველო ევროინტეგრაციის პროცესში არასწორი მიმართულებით მიდის

ლელო: სააკაშვილის განცხადება პოლიტიკური განხეთქილების შექმნის მცდელობაა

ნავროცკიმ ზელენსკის მიმართა „თეთრი არწივის“ სკანდალის ფონზე