საქართველოს პრემიერ-მინისტრ ირაკლი ღარიბაშვილის შეფასებით, ქვეყანაში არსებული  რთული ეკონომიკური მდგომარეობის გამომწვევ  მიზეზებზე მოსახლეობა ინფორმაციის ნაკლებობას განიცდის.

როგორც ღარიბაშვილმა მთავრობის დღევანდელ სხდომაზე განაცხადა, მთლიანად რეგიონში რთული ეკონომიკური მდგომარეობაა, რაც საქართველოზეც გავლენას ახდენს. პრემიერმა ტელევიზები ამჯერადაც გააკრიტიკა და განაცხადა, რომ დღევანდელი ტელევიზიების უმეტესი ნაწილი  სცდილობს, ისე წარმოაჩინოს სიტუაცია, თითქოს რთული ვითარება მხოლოდ საქართველოშია.

"სამწუხაროდ ჩვენ უნდა თვალი გავუსწოროთ იმ რეალობას, რომელიც დღეს მთლიანად რეგიონშია.უკრაინაში, რუსეთში, აზერბაიჯანში, ჩვენს მეზობელ სახელმწიფოებში, სომხეთში, ბუნებრივია  ჩვენთანაც. ის კიარა, მთელი ევროპა განიცდის დღეს კრიზისს. თურქეთი მინდა აქვე აღვნიშნო. ასე რომ, ჩვენ  სწორი ინფორმაცია მივაწოდოთ  მოსახლეობას. კარგად  გვესმის, რომ დღევანდელი ტელევიზიების უმეტესი ნაწილი ამას პირიქით ხელს უწყობს, რომ განსხვავებულად წარმოაჩინოს რეალობა და ხალხს  არ აუხსნან, თუ რა ხდება რეგიონში და წარმოაჩინონ სიტუაცია,  თითქოს მხოლოდ ჩვენს ქვეყანაშია რთულად ვითარება. რაც მიმაჩნია, რომ არის  ძალიან დიდი ტყუილი და ამას სჭირდება  კარგი ახსნა-განმარტება",-განაცხადა ირაკლი ღარიბაშვილმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს