სოზარ სუბარი ქვეყანაში კრიმინოგენური ვითარების გაუარესებას უარყოფს

2016-09-06 16:29:13, 1437 ნახვა

სამართალი

დევნილთა და განსახლების მინისტრის სოზარ სუბარის განცხადებით, საქართველოში კრიმინოგენური ვითარება გაუარესებული არ არის.

მინისტრის განმარტებით, კრიმინალი მსოფლიოს ყველა ქვეყანაში ხდება, თუმცა საქართველო სტატისტიკის მიხედვით უსაფრთხო ქვეყნებში მეოთხე ადგილს იკავებს.

"კრიმინოგენურ მდგომარეობის გაუარესებაზე საუბარი ზედმეტია. კრიმინალი იყო ყოველთვის და კრიმინალი არის მსოფლიოს ყველა ქვეყანაში. ამ წუთში რამე განსაკუთრებულ აფეთქებას ამ კუთხით ადგილი არ აქვს. ძალიან სამწუხაროა, რომ ამ სამ დღეში ასეთი მძიმე ფაქტები დაფიქსირდა, თუმცა ასეთი შემთხვევები ყოველთვის ხდება და ამიტომ ვთქვათ, რომ კრიმინოგენური მდგომარეობა გაუარესდა, ალბათ არ იქნება სწორი. ყველა სტატისტიკით საქართველო ერთ-ერთ უსაფრთხო ქვეყნად სახელდება. ბოლო მონაცემებით საქართველო უსაფრთხო ქვეყნებს შორის მეოთხე ადგილზე იმყოფება", - განაცხადა სუბარმა.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან