აჭარის მთავრობის თავმჯდომარე ზურაბ პატარაძე ჯანმრთელობისა და სოციალური დაცვის მინისტრის ნუგზარ სურმანიძის 4 წლიანი საქმიანობის საანგარიშო შეხვედრას დაესწრო. შეხვედრას ასევე აჭარის სამედიცინო საზოგადოების წარმომადგენლები და სამინისტროს თანამშრომლები ესწრებოდნენ. ნუგზარ სურმანიძემ მინისტრის რანგში ბოლო ანგარიში წარუდგინა მათ. დღეიდან ჯანდაცვის უკვე ყოფილი მინისტრი ოფიციალურად ჩაერთვება საარჩევნო კამპანიაში. იგი წარგენილია ქართული ოცნება-დემოკრატული საქართველოს მიერ ქ. ბათუმის N70-ე მაჟორიტარულ ოლქში აჭარის ა/რ რესპუბლიკის უმაღლესი საბჭოს მაჟორიტარი დეპუტატობის კანიდადატად.
​
ნუგზარ სურმანიძემ მოხსენებისას ყურადღება გაამახვილა რეგიონის ჯანდაცვის სიტემის მიღწევებზე, დანერგილ სიახლეებსა და ახალ ინფრასტურუქტურულ პროექტებზე.

"დღეს აჭარის ჯანდაცვის მინისტრის 4 წლიანი საქმიანობის ანგარიში მოვისმინეთ. მინდა მადლობა გადავუხადო მას გაწეული საქმიანობისთვის, ბევრი რამ გაკეთდა ამ სფეროში. არ შეიძლება ამის არდანახვა. ის ძალიან ეფექტური მენეჯერია. არჩევის შემთხვევაშიც იგი იქნება ხალხის სამსახურში და გააგრძელებს იმ კეთილ საქმეებს, რომლებსაც ყოველთვის აკეთებდა. მინდა მას ვუსურვო წამრატებები" - აღნიშნა მთავრობის თავმჯდომარემ და ნუგზარ სურმანიძესთან ერთად მადლობა გადაუხადა ჯანდაცვის სამინისტროს თანამშრომლებსა და აჭარის სამედიცინო საზოგადოების წარმომადგენლებს მუხლჩაუხრელი შრომისა და ხალხის საკეთილდღეოდ მოღვაწეობისთვის. 

მნიშვნელოვანია, რომ 2012 წელს აჭარის ჯანდაცვის სამინისტროს ბიუჯეტი შეადგენდა 7,503,000 ლარს. ბოლო ოთხი წლის განმავლობაში სამინისტროს ბიუჯეტი თითქმის 90 %-ით გაიზარდა და 2016 წელს შეადგენს 14,057,940 ლარს. 

ბიუჯეტის ზრდასთან ერთად გაიზარდა ჯანმრთელობის, სოციალური დაცვის, საზოგადოებრივი ჯანდაცვისა და დასაქმების პროგრამები. 2012 წელს სამინისტრო ახორიელებდა 11 პროგრამას, ხოლო 2016 წელს ახორციელებს 23 პროგრამას.

2013-2016 წწ სამინისტრომ მიზნობრივი ჯგუფებისათვის გააუმჯობესა სამედიცინო მომსახურების ფინანსური ხელმისაწვდომობა, სიახლეები დანერგა სოციალური დაცვის სფეროში, შეიმუშავა ახალი პროგრამები და ქვეპროგრამები, შეცვალა დაფინანსების მეთოდოლოგია. კერძოდ, შეამცირა თანაგადახდა პაციენტების სასარგებლოდ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ყირიმში, ნავთობბაზისა და ბორნის დაბომბვის შემდეგ, მათ შეწყვიტეს საწვავის გაყიდვა და დახურეს ქერჩის გადასასვლელი

აფხაზეთის საოკუპაციო რეჟიმი - თბილისიდან მშვიდობა მხოლოდ ძალის გამოუყენებლობის შესახებ შეთანხმებაა

ალბანეთში ათიათასობით ადამიანმა კუშნერ-ივანკა ტრამპთან დაკავშირებული კურორტის წინააღმდეგ საპროტესტო აქცია გამართა

მოვითხოვთ, 4 ოქტომბრის საქმის საფუძვლიან და ობიექტურ გადახედვას - მეცნიერებათა აკადემია