„სახელმწიფო ხალხისთვის“ ლიდერმა პაატა ბურჭულაძემ ბათუმში მაჟორიტარობის წარდგენისას განაცხადა, რომ სოციალურად დაუცველებთან დაკავშირებით გუშინ მის მიერ გაკეთებული განცხადება „ვერ“ ან „არ“ გაიგეს.

"სახელმწიფო ხალხისთვის" ლიდერმა განმარტება გააკეთა და ამასთან, გაიმეორა ის დაპირება, რომლის შესახებაც განმუხურში შეკრებილებთან გუშინ ისაუბრა.

მისივე თქმით, დღეს საქართველოში ნახევარი მილიონი სოციალურად დაუცველი იღებს შემწეობას, გაჭირვებული ადამიანების რაოდენობა კი, რეალურად, ერთი მილიონია.

„ჩვენ გვაქვს პროგრამა, რომ ამ მილიონ ადამიანს, როგორც კი მოვალთ ხელისუფლებაში, 9 ოქტომბრის დილიდან დაენიშნება სოციალური დახმარება“, - აცხადებს ბურჭულაძე და დასძენს, რომ ამ ადამიანებს 4 წლის განმავლობაში არ მოეხსნებათ ეს დახმარება, იმის მიუხედავად, დაიწყებენ თუ არა ისინი სამსახურს.

გუშინ, ანალოგიური განცხადების გაკეთებისას, ბურჭულაძემ აღნიშნა, რომ ხელისუფლებაში მოსვლის შემთხვევაში, ის სოციალურად დაუცველის სტატუსის მატარებელთა რაოდენობის ნახევარი მილიონიდან ერთ მილიონამდე გაზრდას გეგმავს.

„სოციალური დახმარება ეძლევა 500 000 ადამიანს და ჩვენ გვაქვს გეგმა, რომ დღევანდელი ბიუჯეტით, გავხდით ერთ მილიონს. და რაც მთავარია, ერთ მილიონ ადამიანს, ვისაც სოციალური დაუცველობა აქვს, 4 წლის განმავლობაში, სადაც არ უნდა იმუშაოს, ის არ მოეხსნება, ყველანაირად ხელს შევუწყობთ, რომ მისი ოჯახი ფეხზე დადგეს“, - აღნიშნა ბურჭულაძემ, რასაც სოციალურ ქსელებში გამოხმაურება მოჰყვა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ყირიმში, ნავთობბაზისა და ბორნის დაბომბვის შემდეგ, მათ შეწყვიტეს საწვავის გაყიდვა და დახურეს ქერჩის გადასასვლელი

აფხაზეთის საოკუპაციო რეჟიმი - თბილისიდან მშვიდობა მხოლოდ ძალის გამოუყენებლობის შესახებ შეთანხმებაა

ალბანეთში ათიათასობით ადამიანმა კუშნერ-ივანკა ტრამპთან დაკავშირებული კურორტის წინააღმდეგ საპროტესტო აქცია გამართა

მოვითხოვთ, 4 ოქტომბრის საქმის საფუძვლიან და ობიექტურ გადახედვას - მეცნიერებათა აკადემია