2016-08-25 15:36:58, 705 ნახვა
პოლიტიკა
გორის გამგებელი: ჩილინდრიშვილებს მოსავლის ასაღებად ხუთსაათიანი ვადა მისცეს
გორის მუნიციპალიტეტის გამგებელი დავით ონიაშვილი „ექსპრესნიუსთან“ საუბრისას აცხადებს, რომ მოლაპარაკებების შედეგად, სოფელ სობისში მცხოვრებ ჩილინდრიშვილს ოჯახის მოსავლის ასაღებად 5-საათიანი ვადა მისცეს.
„ევროკავშირის ცხელი ხაზის მეშვეობით დაწყებული მოლაპარაკებების შედეგად, ჩილინდრიშვილების ოჯახს მოსავლის ასაღებად 5-საათიანი ვადა მისცეს. ეს დრო სავსებით საკმარისია, რომ ოჯახმა მოსავალი აიღოს და დააბინაოს. მომავალში რა იქნება, ამის შესახებ ჯერ ვერაფერს ვერ გეტყვით. ამ ეტაპზე მოლაპარაკებები მხოლოდ მოსავლის დაბინავებაზე მიმდინარეობდა. რა თქმა უნდა, მოლაპარაკებები მომავალშიც გაგრძელდება“, - აცხადებს ონიაშვილი.
შეგახსენებთ, რომ გუშინ შეიარაღებულმა პირებმა გორის რაიონ სოფელ სობისის მკვიდრის შალვა ჩილინდარაშვილის კუთვნილი ქერის მოსავლის ნაწილი აიღეს.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
