2015-01-09 17:53:35, 5079 ნახვა
მსოფლიო
პარიზში შეიარაღებულმა პირმა სულ ცოტა ორი ადამიანი მოკლა
პარიზში, ვენსენის გარეუბანში მდებარე ქაშერულ მაღაზიაში, შეიარაღებულმა პირმა სულ ცოტა ორი ადამიანი მოკლა.
ამის შესახებ ინფორმაციას ფრანგული სააგენტო „AFP“ ავრცელებს.
„AFP“ -ს ცნობით, შეიარაღებულ მამაკაცს ხუთამდე მძევალი ჰყავს.
ასევე ვრცელდება ინფორმაცია, რომ აღნიშნული შეიარაღებული პიროვნება შესაძლოა, იყოს ის, რომელმაც გუშინ პარიზის სამხრეთ ნაწილში პოლიციელი ქალი მოკლა. ამავე დროს, არსებობს ეჭვი, რომ მას კავშირი ჟურნალ Charlie Hebdo-ს რედაქციაზე თავდასხმასთანაც აქვს.
შეგახსენებთ, გუშინ პარიზის სამხრეთ ნაწილში, მეტრო სადგურთან, შეიარაღებულმა პირმა ერთი პოლიციელი მოკლა, ხოლო მეორე მძიმედ დაჭრა და შემთხვევის ადგილიდან მიიმალა.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
