„სპორტის სფეროს წარმომადგენლები, რომლებიც იყვნენ წარმოდგენილი წინა პარლამენტში, ქვეყნის წინაშე უაღრესად დამსახურებული ადამიანები არიან“,-ამის შესახებ საქართველოს ოკუპირებული ტერიტორიებიდან იძულებით გადაადგილებულ პირთა, განსახლებისა და ლტოლვილთა მინისტრმა სოზარ სუბარმა „ქართული ოცნების“ მიერ თბილისში წარდგენილი მაჟორიტარი კანდიდატების შესახებ საუბრისას განაცხადა.

„არაერთხელ უსახელებიათ, გაუტანიათ საქართველოს სახელი შორს. არაერთხელ იყვნენ ბრძოლის წინა რიგებში დემოკრატიისთვის,  ადამიანის უფლებებისთვის, ნორმალურ სახელმწიფოში ცხოვრებისთვის. ესენი არიან ადამიანები, რომლებსაც შეეძლოთ ყოფილიყვნენ რეჟიმთან ძალიან კარგად, მაგრამ არ შეურიგდნენ იმ უკანონობას რომელიც სუფევდა და დადგენნ ბრძოლის წინა რიგებში”,-განაცხადა სუბარმა.

მისივე განმარტებით, იგივეს თქმა შეუძლია „ქართული ოცნების“ მიერ დასახელებულ თბილისის მაჟორატარ კანდიდატებზე, რომელთა ნაწილი ასევე სპორტის სფეროს წარმომადგენელია:

„ჯერ კიდევ 2006 წლიდან, მაგალითად ძალიან მჭიდროდ ვთანამშრომლობი ყაველაშვილთან, რომელიც ერთ-ერთი იმათთაგანი იყო, ვინც ამხელდა სააკაშვილის რეჟიმს და ადამიანის უფლბების დარღვევას რომელიც იყო, ან ბიძინა გეგიძე, რომელიც აქტიურად იყო პოლიტიკაში, ხაბარელი, რომელიც ასევე ძალიან აქტირუად იყო ბრძოლის წინა ხაზზე.ასე რომ ესენი არიან ადამიანები, რომლებსაც ბევრი გაუკეთებიათ და კიდევ ბევრს გააკეთებენ ქვეყნისთვის. არ უნდა დავყოთ ისინი სოციალობის მიხედვით. როდესაც პოლიტიკაზეა საუბარი, ადამიანები იყოფა მათი პოლიტიკური პოზიციის მიხედვით”,-განაცხადა სოზარ სუბარმა. კითხვაზე- თქვენ რატომ არ იყავით წარდგენილი მაჟორიტარობის კანდიდატად, სუბარმა ასე უპასუხა:

„ ყოველთვის ვამბობდი და ვამბობ, რომ ძალიან დიდი პატივია, იყო პარლამენტის წევრი, იყო მთავრობის წევრი. ჩემთვის ძალიან დიდი პატივია, რომ ვარ „ქართული ოცნების“ წევრი და დამფუძნებელი და სადაც ჩათვლის პარტია საჭიროდ, იქ ვიქნები. შემიძლიოა ვთქვა, რომ რაღაცები გამიკეთებია და მომავალშიც გავაკეთებ. სადაც არ უნდა ვიყო, პოლიტიკაში, თუ მის გარეთ“,-განაცხადა სოზარ სუბარმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ალბანეთში ათიათასობით ადამიანმა კუშნერ-ივანკა ტრამპთან დაკავშირებული კურორტის წინააღმდეგ საპროტესტო აქცია გამართა.

მოვითხოვთ, 4 ოქტომბრის საქმის საფუძვლიან და ობიექტურ გადახედვას - მეცნიერებათა აკადემია

სატვირთოს მძღოლი, რომელიც რკინის კონსტრუქციებში მოყვა, დაიღუპა

პოლონელების ხოცვა, უკრაინელების ეთნიკური წმენდა - რატომ დაუპირისპირდა ვარშავა და კიევი ერთმანეთს - ისტორიული ფაქტები