ბორჯომის პარკი ტურისტებისთვის დროებით დაიხურა

2016-08-05 10:09:39, 810 ნახვა

საზოგადოება

ბორჯომის პარკი ტურისტებისთვის დროებით დაიხურა.

ძლიერი წვიმისა და სეტყვის შედეგად განადგურდა ბორჯომის ცენტრალური პარკის ძირითადი ნაწილი, დაიტბორა შენობა-ნაგებობები და მოშლილია ინფრასტრუქტურა.

ცნობისთვის, ძლიერი წვიმისა და სეტყვის შედეგად ბორჯომში შექმნილ ვითარებასთან დაკავშირებით, პრემიერ მინისტრის დავალებით, ადგილზე მობილიზებულია ყველა შესაბამისი სამსახური.

სიტუაციის კონტროლის და კოორდინაციის მიზნით, ბორჯომში გაემგზავრნენ სახელმწიფო უსაფრთხოებისა და კრიზისების მართვის საბჭოს მდივანი მინდია ჯანელიძე და საქართველოს რეგიონული განვითარებისა და ინფრასტრუქტურის მინისტრი ნოდარ ჯავახიშვილი.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან