საფრანგეთში საგანგებო მდგომარეობა კიდევ 6 თვით გახანგრძლივდა. შესაბამისი გადაწყვეტილება ხელისუფლებამ ნიცაში განხორციელებული თავდასხმის შემდეგ მიიღო, -  ამის შესახებ BBC იუწყება.

როგორც მედია საშუალება წერს, ინიციატივა საფრანეგთის ნაციონალურმა ასამბლეამ უკვე დაამტკიცა. საგანგებო მდგომარეობის გახანგრძლივებას 489 დეპუტატმა მისცა ხმა, წინააღმდეგი კი 26 კანონმდებელი იყო.

ცნობისთვის, საფრანგეთში საგანგებო მდგომარეობა 2015 წლის 13 ნოემბერს პარიზში განხორციელებული ტერაქტების შემდეგ მოქმედებს. გასულ კვირას პრეზიდენტმა ფრანსუა ოლანდმა განაცხადა, რომ საგანგებო მდგომარეობას აღარ გაახანგრძლივებდა, თუმცა მეორე დღეს ნიცაში მომხდარი თავდასხმის შემდეგ მან გადაწყვეტილება შეცვალა.

შეგახსენებთ, რომ თავდასხმა 14 ივლისის გვიან საღამოს, ქალაქ ნიცას ინგლისურ სანაპიროზე მოხდა, როდესაც ათასობით ადამიანი ბასტილიის დღისადმი მიძღვნილ საზეიმო ფოიერვერკს უყურებდა.

მაღალი სიჩქარით მოძრავი სატვირთო მანქანა ხალხში შევარდა და ორი კილომეტრი გაიარა, რის შედეგადაც 84 ადამიანი გარდაიცვალა, მათ შორის ათი ბავშვი.

მანქანის მძღოლი 31 წლის ტუნისელი  მუჰამედ ლაჰუაეჯ ბუჰლელი იყო.

თავდასხმაზე პასუხისმგებლობა "ისლამურმა სახელმწიფომ" აიღო.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

თბილისი პრაიდი: "ოცნებამ" სცადა, ქვიარ ადამიანები საზოგადოებრივი ცხოვრებიდან გავექრეთ

SJC: 17 მაისი საქართველოში „ოჯახის“ იდეის პოლიტიკური ინსტრუმენტალიზაციის სიმბოლური დღეა

ელენე ხოშტარია - ხალხის სიმრავლე და ვერც დრო, ვერ წაშლის 2013 წლის 17 მაისს ჩადენილ ბოროტებას

შიო მესამე - თუ ოჯახში ტრიალებს მძიმე ცოდვა, ისეთი როგორიც არის, მაგალითად, აბორტი, მაშინ ბედნიერებას ვერ ააშენებ, განწირულია ასეთი ოჯახი