თურქეთის სამხედრო საზღვაო ძალებმა ქვეყანაში სამხედრო გადატრიალების მცდელობის შემდეგ 14 ხომალდთან კავშირი დაკარგა.

ამის შესახებ The Times იუწყება.

გაზეთის ინფორმაციით, გადატრიალების დროს გემები შავ და ეგეოსის ზღვაში იმყოფებოდნენ. არ არის გამორიცხული, რომ გემების ეკიპეაჟები პუტჩში მონაწილეობდნენ. აქამდე ვერ ხერხდება საზღვაო ძალების სარდლის ადმირალ ვეისელ კიოსელეს პოვნაც. გაუგებარია, მონაწილეობდა ის გადატრიალებაში და პუტჩისტებს ტყვედ ჰყავთ აყვანილი.

შეგახსენებთ, რომ თურქეთში სამხედრო გადატრიალების მცდელობას 290-ზე მეტი ადამიანი ემსხვერპლა, მათ შორის 190 მშვიდობიანი მოქალაქე და 100-ზე მეტი მეამბოხე სამხედრო. 1400 -ზე მეტი ადამიანი დაშავებულია.

სამართალდამცველებმა გადატრიალების მცდელობაში ეჭვმიტანილი 9000-მდე მეამბოხე დააკავეს. გარდა ამისა, 8 500-ზე მეტი სამართალდამცველი სამსახურიდან გაათავისუფლეს, მათ შორის 7 899 და ჟანდარმერიის 614 ოფიცერია. ამასთან, თანამდებობები 30 პროვინციის გუბერნატორებმა და 47 ოლქის მმართველებმა დატოვეს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

თბილისი პრაიდი: "ოცნებამ" სცადა, ქვიარ ადამიანები საზოგადოებრივი ცხოვრებიდან გავექრეთ

SJC: 17 მაისი საქართველოში „ოჯახის“ იდეის პოლიტიკური ინსტრუმენტალიზაციის სიმბოლური დღეა

ელენე ხოშტარია - ხალხის სიმრავლე და ვერც დრო, ვერ წაშლის 2013 წლის 17 მაისს ჩადენილ ბოროტებას

შიო მესამე - თუ ოჯახში ტრიალებს მძიმე ცოდვა, ისეთი როგორიც არის, მაგალითად, აბორტი, მაშინ ბედნიერებას ვერ ააშენებ, განწირულია ასეთი ოჯახი