ვაშინგტონს  თურქეთისგან ფეთჰულა გიულენის ექსტრადირების ოფიციალური მოთხოვნა არ მიუღია, - ამის შესახებ ტელეკომპანია NBC აშშ-ის სახელმწიფო მდივანზე ჯონ კერიზე დაყრდნობით იუწყება.

როგორც მედია საშუალება იუწყება, ჯონ კერის განცხადებით, გიულენის ექსტრადირებისთვის ანკარამ  მტკიცებულებები უნდა წარადგინოს.

მისივე თქმით, აშშ-ს შესაბამისი მტკიცებულებები ჯერ არ გააჩნია.

“ამ ეტაპზე მე მტკიცებულებები არ გამაჩნია. ბოლო ერთი დღის განმავლობაში მე ჩემს კოლეგა საგარეო საქმეთა მინისტრს სამჯერ  ვესაუბრე. მე მოვუწოდე მას, შეაგროვონ მტკიცებულებები რაც შეიძლება მალე და წარმოგვიდგინონ პირდაპირი არხებით. მე პირობა დავდე, რომ ექსტრადირების შესახებ ხელშეკრულების, ჩვენი კანონიერი პროცესისა და სტანდარტების შესაბამისად, ჩვენ დაუყოვნებლივ შევაფასებთ, არის თუ არა მტკიცებულებები ექტსრადირებისთვის საკმარისი. მათ ასევე ექსტრადირება ფორმალურად, კანონმდებლობის თანახმად უნდა მოითხოვონ, რაც მათ ჯერ არ გაუკეთებიათ”, - განაცხადა ჯონ კერიმ.

ცნობისთვის, ფეთჰულა გიულენი 1999 წლიდან პენსილვანიაში ცხოვრობს. თურქეთის ხელისუფლება მას 16 ივლისის ამბოხის ორგანიზატორად მიიჩნევს. პრეზიდენტმა რეჯეპ ტაიპ ერდოღანმა სიტყვით გამოსვლისას აშშ-სგან გიულენის ექსტრადირება მოითხოვა.

შეგახსენებთ, რომ თურქეთში სამხედრო გადატრიალების მცდელობა მოხდა, რასაც 290-ზე მეტი ადამიანის სიცოცხლე ემსხვერპლა,1 400 -ზე მეტი კი დაშავდა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

თბილისი პრაიდი: "ოცნებამ" სცადა, ქვიარ ადამიანები საზოგადოებრივი ცხოვრებიდან გავექრეთ

SJC: 17 მაისი საქართველოში „ოჯახის“ იდეის პოლიტიკური ინსტრუმენტალიზაციის სიმბოლური დღეა

ელენე ხოშტარია - ხალხის სიმრავლე და ვერც დრო, ვერ წაშლის 2013 წლის 17 მაისს ჩადენილ ბოროტებას

შიო მესამე - თუ ოჯახში ტრიალებს მძიმე ცოდვა, ისეთი როგორიც არის, მაგალითად, აბორტი, მაშინ ბედნიერებას ვერ ააშენებ, განწირულია ასეთი ოჯახი