"მე თქვენ გაჩვენებთ, თქვენს გამო ვიბრძვი და თქვენ უნამუსოდ და უსინდისოდ, ოღონდ კი ფული არ გადაიხადოთ ბინებში, აწყობთ აქ პროვოკაციას", - ასე მიმართა ვახტანგ რჩეულიშვილმა თბილისის პროკურატურასთან შეკრებილ ადამიანებს, რომლებიც თავს "ცენტრ პოინტისგან" დაზარალებულად მიიჩნევენ.

რჩეულიშვილის თქმით, "ცენტრ პოინტის" ქონების ხელში ჩასაგდებად ბრძოლა მიმდინარეობს. მისივე მტკიცებით, პროკურატურასთან შეკრებილი მოქალაქეები  დაქირავებულები არიან.

"ახლა მიმდინარეობს "ცენტრ-პოინტის" ბოლო ბრძოლა "ცენტრ პოინტის" ქონების ხელში ჩასაგდებად. ამ ქონების გადანაწილება უნდათ, მაგრამ ვერ მიიღებენ. ესენი მობინადრეები კიარა დაქირავებულები არიან.  ვინც ამათ ქირაობს მათ უნდათ ფულის გამოძალვა "ცენტრ პოინტისგან". ამიტომ თავისი სასტვენები დაიჭონ და ოჯახებში უსტვინონ. რატომ გვიშლიან ხელს ამ ხალხის გასტუმრებაში. ესენი დიდი ხანია დაკმაყოფილებულები არიან. ვერ ვამთავრებთ უბრალოდ, რადგან სახელმწიფოს აქვს ჩვენი ფული და ვერ გაძლევთ, რადგან ჭირდებათ საარჩევნო კამპანიისთვის. მთავრობას ვუთხარით, თქვენ გაქვთ ჩვენი 10 მლნ, რომელიც სჭირდება დამთავრებას.მოგვეცით ვალად მაინც. სააკაშვილმა 7 მლნ დაგვიბრუნა და ასე ავაშენეთ", - განაცხადა ვახტანგ რჩეულიშვილმა.

თბილისის მთავარ პროკურატურაში "ცენტრ პოინტის" დამფუნებლის მაია რჩეულიშვილის დაკითხვა მიმდინარეობს.

რჩეულიშვილი საგამოძიებო უწყებაში ადვოკატებთან და ვახტანგ რჩეულიშვილთან ერთდ მივიდა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

რუსეთმა ლიმანის „ცეცხლოვანი კერის“ აღების შესახებ წელს მეორედ გამოაცხადა

ტრამპი: აშშ-სა და ნიგერიის ძალებმა ისლამური სახელმწიფოს უფროსი მეთაური გაანეიტრალეს

გოცირიძე: ხალხი ისევ მოატყუეს, 15 დასახელების პროდუქტზე ფასდაკლების დაპირება ბლეფი იყო

ბიზნესმენი ნიკა ლომია აფხაზეთის სკოლის კურსდამთავრებულების განათლებას დააფინანსებს