მამიკინსი: ვიზალიბერალიზაცია საქართველოს ოკუპირებული რეგიონის მოსახლეობისთვის უფრო მიმზიდველს გახდის

2016-07-07 12:04:15, 743 ნახვა

პოლიტიკა

„სავიზო რეჟიმის გაუქმება საქართველოს მიმზიდველობას გაზრდის მისი ოკუპირებული რეგიონების-აფხაზეთისა და სამხრეთ ოსეთის მოსახლეობისთვის, რაც ხელს შეუწყობს ამ კონფლიქტების მშვიდობიან დარეგულირებას“, - ამის შესახებ ევროპარლამენტის წევრმა, სოციალ-დემოკრატების ალიანსის წარმომადგენელმა დეპუტატმა ანდრეას მამიკინსმა განაცხადა.

მისივე თქმით, ვიზალიბერალიზაცია საქართველოს მოქალაქეებს დიდი სარგებელს მოუტანს და ადამიანებს შორის კონტაქტის პოტენციალს გაზრდის.

“ვიზალიბერალიზაცია საქართველოს მოქალაქეებს დიდ სარგებელს მოუტანს და ჩვენ ვაფასებთ მას იმის გამო, თუ რამდენად გაზრდის ის ადამიანებს შორის კონტაქტის პოტენციალს, მათ შორის სტუდენტებს, აკადემიკოსებს, მასწავლებლებსა და ბიზნესმენებს შორის. სავიზო რეჟიმის გაუქმება გაზრდის საქართველოს მიმზიდველობას მისი ოკუპირებული რეგიონების - აფხაზეთისა და სამხრეთ ოსეთის მოსახლეობისთვის, რაც ხელს შეუწყობს ამ კონფლიქტების მშვიდობიან დარეგულირებას", - აღნიშნა მამიკინსმა.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან