2015-02-28 18:28:52, 1127 ნახვა
მსოფლიო
პუტინი: ნემცოვის მკვლელობის ორგანიზატორები და შემსრულებლები დამსახურებულ სასჯელს მიიღებენ
„ბორის ნემცოვის მკვლელობის ორგანიზატორები და შემსრულებლები დამსახურებულ სასჯელს მიიღებენ“, - ამის შესახებ რუსეთის ფედერაციის პრეზიდენტმა ვლადიმერ პუტინმა განაცხადა.
„ბორის ნემცოვმა რუსეთის ისტორიაში პოლიტიკასა და საზოგადოებრივ ცხოვრებაში საკუთარი კვალი დატოვა. ჩვენი ქვეყნისთვის გარდამავალ ძნელ პერიოდში საპასუხისმგებლო თანამდებობებს იკავებდა. ის ყოველთვის იცავდა საკუთარ პოზიციას“, - განაცხადა პუტინმა.
რუსეთის პრეზიდენტმა ასევე, მოკლული პოლიტიკოსის დედას დინა ეიდმანს მიუსამძიმრა.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
