პენტაგონი "ისლამური სახელმწიფოს" ერთ-ერთი ლიდერის აბუ ბაქრ ალ-ბაღდადის გარდაცვალებას არ ადასტურებს, - ამის შესახებ Fox News პენტაგონის წარმომადგენელზე პოლკოვნიკ კრისტოფერ გარვერზე დაყრდნობით იუწყება.

გარვერის თქმით, ტერორისტული დაჯგუფების ლიდერის გარდაცვალების შესახებ ინფორმაცია მედიაში არაერთხელ გავრცელებულა. აშშ-ის თავდაცვის უწყების წარმომადგენელი ამბობს, რომ პენტაგონი გავრცელებულ ინფორმაციას ამოწმებს.

ინფორმაცია ტერორისტული დაჯგუფება “ისლამური სახელმწიფოს” ლიდერის აბუ ბაქრ ალ-ბაღდადის გარდაცვალების შესახებ დაჯგუფებასთან მიახლოებულმა სააგენტო Amaq-მა გაავრცელა.

სააგენტოს ინფორმაციით, “ისლამური სახელმწიფოს” ლიდერი სირიის ქალაქ რაქაში ამერიკული კოალიციის საჰაერო დარტყმას ემსხვერპლა. სააგენტოს განცხადებაში ნათქვამია, რომ ალ-ბაღდადი  “რამადანის მეხუთე დღეს გარდაიცვალა”.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

საია: საქართველო 17 მაისს ლგბტქი უფლებებთან დაკავშირებული მწვავე დისკუსიებისა და კრიტიკის ფონზე ხვდება

სამებაში ოჯახის სიწმინდეს რეჟიმის წარმომადგენლები აღნიშნავენ

ცოტნე ივანიშვილი -ქართული საზოგადოება მტკიცედ დგას, ქართული სამშობლოს სუვერენიტეტს

კაცი მარკეტში შეიჭრა, მოლარე სცემა და მაღაზია გაქურდა, იგი პოლიციამ დააკავა