ვაშაძე: " ახალი საქართველო" არის მეტი პატივისცემა და არა შური და გაუტანლობა

2016-06-05 15:37:41, 879 ნახვა

პოლიტიკა

"ახალი საქართველო"არის მეტი პატივისცემა და ღირსება და არა შური, ბოღმა და გაუტანლობა, რომელიც ასე ამოგვივიდა ყელში",- ამის შესახებ გიორგი ვაშაძემ სამოქალაქო პლატფორმა " ახალი საქართველოს" დაფუძნების ღონისძიებაზე სიტყვით გამოსვლისას განაცხადა.

" ახალი საქართველო"- ესაა ევროპულ სივრცესთან ინტეგრაციის ახალი პარადიგმა. ჩვენ არც ერთი ადამიანი საზღვარგარეთ გასაშვები არ გვყავს. უვიზო რეჟიმი არ უნდა იყოს იმისთვის, რომ ჩვენი მოქალაქეები წავიდნენ და იქ დარჩნენ და დასაქმდნენ.მათი გონება უნდა მოხმარდეს საქართველის.ჩვენ ასევე შეგვიძლია ეკონომიკური სასწაული მოვახდინოთ." ახალი საქართველო" ესაა ეკონომიკური განვითარების ახალი შესაძლებლობები, სადაცაა სამუშაო ადგილები და გაჭირვება დამარცხებულია",- მიმართა ვაშაძემ მხარდამჭერებს, რომლებიც დღევანდელი დღისთვის რეგიონებიდანაც ჩამოვიდნენ.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან