მღებრიშვილი კორცხელის ინციდენტზე: სისხლის სამართლებრივი პასუხისმგებლობის საკითხი დღის წესრიგიდან არ მოხსნილა

2016-05-26 12:01:41, 669 ნახვა

პოლიტიკა

სპორტსმენები თავად გამოცხადდნენ შინაგან საქმეთა სამინისტროში და ითანამშრომლეს გამოძიებასთან, აქედან გამომდინარე, მათი დაკავების საფუძველი გამოძიებას აღარ ჰქონდა, - ამის შესახებ შს მინისტრმა გიორგი მღებრიშვილმა კორცხელის ინციდენტში მონაწილე პირებთან დაკავშირებით ჟურნალისტებს განუცხადა.

როგორც მინისტრმა აღნიშნა, მათი სისხლისსამართლებრივი პასუხისმგებლობის საკითხი დღის წესრიგიდან არ მოხსნილა.

„ჩემი თხოვნაა, გავთავისუფლდეთ ყველა ზედმეტი ემოციისგან, დაველოდოთ გამოძიებას. გამოძიებას თავისი პროცედურები აქვს, რომელიც დაცული უნდა იყოს. ჩემი განცხადების შემდეგ სპორტსმენები თავად გამოცხადდნენ შინაგან საქმეთა სამინისტროში და ითანამშრომლეს გამოძიებასთან, აქედან გამომდინარე, მათი დაკავების საფუძველი გამოძიებას აღარ ჰქონდა. მიუხედავად ამისა, მათი სისხლისსამართლებრივი პასუხისმგებლობის საკითხი დღის წესრიგიდან არ მოხსნილა. დაველოდოთ გამოძიებას და არაფრის გამო აჟიოტაჟს ნუ შევქმნით“, - განაცხადა გიორგი მღებრიშვილმა.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან