"დღეს ლარის კურსის გამყარება შეიმჩნევა და მუდმივად გვექნება კომუნიკაცია ეროვნულ ბანკთან, რომ ეს პროცესი გაგრძელდეს  და ლარმა ახალ ნიშნულს მიაღწიოს",-ამის შესახებ საქართველოს ფინანსთა მინისტრმა ნოდარ ხადურმა პრეზიდენტ გიორგი მარგველაშვილთან შეხვედრის დაწყებამდე ჟურნალისტებს განუცხადა.
მისივე განმარტებით, პრეზიდენტს ქვეყანაში არსებული ეკონომიკური მდგომარეობის შესახებ ინფორმაციას მიაწვდის.
"ჩვენ მივაწვდით პრეზიდენტს ინფორმაციას  ქვეყანაში არსებული ეკონომიკური მდგომარეობის შესახებ.ასევე იმ ღონისძიებებს, რომელსაც ერთის მხრივ საქართველოს ეროვნუკლი ბანკი ახორციელებს  და მეორეს მხრივ, საქართველოს მთავრობა.ამ შემთხვევაში ფინანსთა სამინისტრო. თქვენ იცით, რომ ჩვენ ვმუშაობთ და არაერთხელ განვაცხადეთ, რომ  ბიუჯეტის ზეგავლენა ლარზე იყო ნოლთან ძალიან ახლოს თუ მთლად ნოლი არა.შესაბამისად, ჩვენ  ვაგრძელებთ ამ პოლიტიკას და მუდმივად გვექნება კომუნიკაცია საქართველოს ეროვნულ ბანკთან იმასთან დაკავშირებით, რომ პროცესი, რომელიც დღეს დაიწყო, და დღეს თქვენ იცით, რომ ლარის კურსის გამყარება შეიმჩნევა, გაგრძელდეს და ლარმა მიაღწიოს ახალ  ნიშნულს, რომელიც გაცილებით უფრო დაბალი იქნება, ვიდრე გუშინ, ან დღეს იყო კურსი",-განაცხადა ნოდარ ხადურმა
ცნობისთვის,  ეკონომიკის მინისტრი გიორგი კვირიკაშვილი და ფინანსთა მინსიტრი ნოდარ ხადური  გიორგი მარგველაშვილს ხვდებიან. შეხვედრას, რომელიც პრეზიდენტის ინიციატივით იმართება, პრეზიდენტის მრჩეველი, ადმინისტრაციის უფროსი და პრეზიდენტის საპარლამენტო მდივანი ესწრებიან.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ტრამპმა პირობა დადო, რომ ჰორმუზის სრუტეს აშშ-ის ტერიტორიად გამოაცხადებდა

უკრაინამ „ფლამინგოს“ ტიპის რაკეტა დაარტყა სამარის კოსმოსურ ცენტრს, რომელიც რუსული Starlink-ის ეკვივალენტისთვის რაკეტებს აწარმოებს

სუს-მა დიდი ოდენობით თაღლითობისა და თაღლითობის მცდელობის ფაქტზე, საქართველოს ხუთი და თურქეთის რესპუბლიკის ერთი მოქალაქე დააკავა

სამართალდამცველებმა ჯგუფურად ჩადენილი ქურდობისა და ძარცვის ბრალდებით 5 არასრულწლოვანი დააკავეს