პილოტ ნადეჟდა სავჩენკოს უახლოეს საათებში უკრაინულ მხარეს  გადასცემენ.

ამის შესახებ ინფორმაციას საინფორმაციო სააგენტო  „ინტერფაქსი“ ავრცელებს.

„ინფერფაქსის“ ცნობით, უკრაინის პრეზიდენტი პეტრო პოროშენკო დონის როსტოვში უკვე ჩავიდა.

არსებული ინფორმაციით, სავჩენკოს  რუსეთის ორ სამხედროზე ალექსანდრ ალექსანდროვსა და ევგენი ეროფეევზე გაცვლიან, რომლებიც სასჯელს უკრაინაში იხდიდნენ. როიტერის ცნობით, პოროშენკომ ორივე მსჯავრდებული შეიწყალა.

ცნობისთვის, როსტოვის ოლქის დონეცკის სასამართლომ უკრაინელი მფრინავი ნადეჟდა სავჩენკო ორი რუსი ჟურნალისტის მკვლელობაში დამნაშავედ ცნო და 22 წელი მიუსაჯა.

 რუსული გამოძიების მტკიცებით, 2014 წლის ივნისში ლუგანსკში მიმდინარე საბრძოლო მოქმედებების დროს სავჩენკომ რუსი ჟურნალისტების ადგილსამყოფელის შესახებ კოორდინატები უკრაინელ სამხედროებს გადასცა, რასაც მათი საარტილერიო შეტევა მოჰყვა. იერიშის შედეგად ორი რუსი კორესპონდენტი დაიღუპა. მას ასევე ბრალი საზღვრის უკანონო გადაკვეთაში ედება.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

17 მაისი ჰომოფობიისა და ტრანსფობიის წინააღმდეგ ბრძოლის საერთაშორისო დღეა

მეუფე ზენონი: ეკლესიის პასუხისმგებლობაა, შეახსენოს ყველას, ძალაუფლება არ დგას კანონზე მაღლა

„ისინი არასტაბილურ მდგომარეობაში არიან.“ ესტონეთმა რუსეთთან მოლაპარაკებების შეწყვეტისკენ მოუწოდა

უკრაინაში რუსეთის დანაშაულებზე სპეციალური ტრიბუნალი ჰააგაში განთავსდება