შინაგან საქმეთა სამინისტროს თანამშრომლებმა შეტყობინების საფუძველზე 1989 წელს დაბადებული, წარსულში ქურდობისთვის მრავალჯერ ნასამართლევი გიორგი კ. ქურდობის მცდელობის ბრალდებით ცხელ კვალზე დააკავეს.

შსს-ს ინფორმაციით, სამართალდამცველებმა გიორგი კ. ოზურგეთში გრიბოედოვის ქუჩაზე იმ დროს დააკავეს როდესაც იგი ერთ-ერთი მოქალაქის საცხოვრებელი სახლის გაქურდვას ცდილობდა.

უწყების ცნობით, გამოძიებამ დაადგინა, რომ ერთ–ერთი საცხოვრებელი სახლის შესასვლელი კარის ბოქლომი დააზიანა, შიგნით შეაღწია და მოქალაქის კუთვნილ ნივთებს მართლსაწინააღმდეგო გზით დაეუფლა.

დაკავებულის პირადი ჩხრეკისას სამართალდამცველებმა მოპარული ბიჟუტერია და მობილური ტელეფონი ამოიღეს. ბრალდებული აღიარებს ჩადენილ დანაშაულს.

გამოძიება ქურდობის მცდელობის ფაქტზე მიმდინარეობს (საქართველოს სსკ-ის 19-177-ე მუხლის მე-3 ნაწილის „გ“ ქვეპუნქტით).

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

უკრაინული დრონების დაბომბვის და ნავთობის წვიმის შემდეგ, რიაზანში საგანგებო მდგომარეობა გამოცხადდა.

დრონებმა რუსეთის ნავთობგადამამუშავებელი ქარხნის სიმძლავრის 11% პარალიზება მოახდინეს

საგარეო: ანდრეი სიბიგასთან შეხვედრაზე ხაზი გაესვა უკრაინის მხრიდან გადადგმულ ნაბიჯებს

პუტინის რეიტინგის გაანგარიშების მეთოდოლოგია შეიცვალა 8 წლის განმავლობაში ყველაზე მკვეთრი ვარდნის შემდეგ