2015-02-25 09:51:20, 1062 ნახვა
ეკონომიკა
კალაძე: ვაღიარებთ, სავიზო რეჟიმის გამკაცრებამ პრობლემები შექმნა
“ვაღიარებთ, სავიზო რეჟიმის გამკაცრებამ გარკვეული პრობლემები შექმნა”, - ამის შესახებ ენერგეტიკის მინისტრმა კახი კალაძემ ტელეკომპანია „რუსთავი 2“-ის გადაცემა „არჩევნში“ განაცხადა.
მისი თქმით, სავიზო რეჟიმთან დაკავშირებით ცვლილებები ევროკავშირის მოთხოვნა იყო.
"რაც შეეხება ვიზებს, ეს იყო ევროკავშირის მოთხოვნა, რომ გარკვეული ცვლილებები, რეფორმები განგვეხორციელებინა ამ მიმართულებით და ჩვენ შესაბამისად, ეს ყველაფერი გავაკეთეთ, თუმცა აღმოჩნდა, რომ პრაქტიკაში მან გარკვეული პრობლემები მოუტანა ქვეყანას. კიდევ ერთხელ ვიმეორებ, რომ ინვესტიციების, ტურისტების შემოდინების მიმართულებით გარკვეული პრობლემები ნამდვილად შექმნა, ამას ვაღიარებთ", - აღნიშნა კალაძემ.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
