საქართველოს თავდაცვის მინისტრი თინათინ ხიდაშელი აზერბაიჯანელ კოლეგას, გენერალ-პოლკოვნიკ ზაკირ ჰასანოვს შეხვდა. უწყების ინფორმაციით, სამმხრივი თავდაცვის მინისტერიალის ფარგლებში ქართველ და აზერბაიჯანელ მინისტრებს შორის ორმხრივი შეხვედრა აზერბაიჯანის ქალაქ გაბალაში, ჰეიდარ ალიევის კონგრესცენტრში გაიმართა.

კოლეგებმა შეხვედრაზე ორ ქვეყანას შორის თავდაცვის სფეროში თანამშრომლობის საკითხები განიხილეს, ასევე ისაუბრეს სამხედრო სასწავლებლებს შორის გაცვლითი პროგრამების თაობაზე. მხარეებმა რეგიონის უსაფრთხოების საკითხზეც იმსჯელეს. აზერბაიჯანის თავდაცვის მინისტრმა საქართველოსთან კიბერუსაფრთხოების სფეროში თანამშრომლობის სურვილი გამოთქვა. თინათინ ხიდაშელმა გენერალ-პოლკოვნიკ ზაკირ ჰასანოვს საქართველოში მოქმედი ნატო-საქართველოს წვრთნისა და შეფასების ერთობლივი ცენტრის (JTEC) და თავდაცვის ინსტიტუციური აღმშენებლობის სკოლის (DIB) გამოყენება შესთავაზა.

საქართველოს თავდაცვის მინისტრმა აზერბაიჯანელი კოლეგა საქართველოში 24-25 მაისს დაგეგმილ თავდაცვისა და უსაფრთხოების კონფერენციაზე (GDSC) და 26 მაისს საქართველოს დამოუკიდებლობის 25 წლისთავის აღსანიშნავ ღონისძებაზე მოიწვია. დღესვე, თავდაცვის მინისტრი თინათინ ხიდაშელი თურქ კოლეგას შეხვდება და სამმხრივ მინისტერიალში მიიღებს მონაწილეობას.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

Marneuli News: დაცვის თანამშრომელი, რომელიც 11 აპრილს სამსახურებრივი უფლებამოსილების შესრულებისას სცემეს, გარდაიცვალა

დიდი შვიდეულის სამიტზე უკრაინის პრეზიდენტი ტრამპსა და რუბიოს შეხვდა

შსს-ს ახალი სამმართველოს საჩივრის საფუძველზე, ნიკა გვარამიას შეურაცხყოფის ფაქტზე, მოქალაქეს 2000-ლარიანი ჯარიმა დაეკისრა

პაპუაშვილი: ახია საფრანგეთზე! როდესაც სხვა ქვეყნების შიდა საქმეებში ერევი, მზად უნდა იყო იმისთვის, რომ შენც ასევე მოგეპყრობიან