სახელმწიფო სერვისების განვითარების სააგენტოს ინიციატივით და ორგანიზებით, მწერალი დათო ტურაშვილი კორბოულის საზოგადოებრივ ცენტრში ადგილობრივ მოსახლეობას შეხვდა.

შეხვედრაზე მწერალმა საკუთარ ნაწარმოებებზე, ზოგადად ლიტერატურაზე და წიგნის მნიშვნელობაზე ისაუბრა. საუბარი ასევე შეეხო სამოქალაქო პასუხისმგებლობის და მოხალისეობრივი საქმიანობის მნიშვნელობას. შეხვედრის განმავლობაში დამსწრეებმა მათთვის საინტერესო შეკითხვებით მიმართეს მწერალს და თავიანთი შეხედულებები გაუზიარეს სხვადასხვა საკითხებზე.

შეხვედრის დასრულების შემდეგ, მწერალმა წიგნები საკუთარი ავტოგრაფით საჩუქრად გადასცა კორბოულის საზოგადოებრივ ცენტრს, რომლის ბიბლიოთეკაშიც ნებისმიერ მსურველს ექნება შესაძლებლობა დათო ტურაშვილის ნაწარმოებები წაიკითხოს.

აღსანიშნავია, რომ სახელმწიფო სერვისების განვითარების სააგენტოს ორგანიზებით საზოგადოებრივ ცენტრებში ცნობილი ადამიანების ვიზიტები მომავალშიც გაგრძელდება და სხვადასხვა სოფლების მოსახლეობას ექნება მსგავს შეხვედრებზე დასწრების საშუალება.

საზოგადოებრივი ცენტრების განვითარება საქართველოში იუსტიციის სამინისტროს სახელმწიფო სერვისების განვითარების სააგენტოს ერთ-ერთი ინიციატივაა, რომელიც ევროკავშირის ფინანსური დახმარებით ხორციელდება. ცენტრების მიზანია მოსახლეობისთვის სახელმწიფო სერვისებზე ხელმისაწვდომობის გაზრდა და სოფლის განვითარებისთვის შესაბამისი გარემოს შექმნა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

საგამოძიებოს ცნობით, კორუფციულ და საფინანსო-ეკონომიკურ სფეროში ჩადენილი სამი დანაშაულებრივი ფაქტი გამოავლინეს

სასამართლოს გადაწყვეტილებით, EU-ს ტრასტებში შენახული რუსული აქტივების გაყინვაც შეუძლია

ყაზახეთმა ქვეყანაში „გაზპრომის“ აქტივების ჩამორთმევის ნებართვა გასცა უკრაინის მიერ შეტანილი 1.4 მილიარდი დოლარის ოდენობის სარჩელის შემდეგ

ისწავლე საქართველოს ბანკის ნიკა გუჯეჯიანის სახელობის სტიპენდიით ახლა უკვე მადრიდში