"თუ ვინმე წარმოადგენს უფრო რეალურ პროექტს, მზად ვართ დღეს შეძენილი 29 ჰექტარი უსასყიდლოდ გადავცეთ" - ამის შესახებ თანაინვესტირების ფონდის სამეთვალყურეო საბჭოს თავმჯდომარემ ირაკლი ქარსელაძემ განაცხადა.

ირაკლი ქარსელაძის განცხადებით, დაინტერესებული კომპანია, რომელიც საჭირო დოკუმენტაციას წარადგენს, სადაც დაკმაყოფილებული იქნება თბილისის მერიის მიერ წარდგენილი კრიტერიუმები, უსასყიდლოდ მიიღებს კომპანია „ფინსერვისის” საკუთრებაში არსებულ 10 ჰექტარ ფართობსაც. 

"საუბარი არის მარტივ პროცედურებზე, როდესაც დაინტერესებულ კომპანიას შემოაქვს განცხადება, წარმოადგენს შესაბამის გათვლებს და დასაბუთებებს, რომ მათ გააჩნიათ სახსრები, რომელიც აკმაყოფილებს თბილისის მერიის მიერ წამოყენებულ კრიტერიუმებს. ასეთ შემთხვევაში ის პირობა, რაც ვთქვით ჩვენ, რომ მათ გადაეცემათ უსასყიდლოდ ეს ტერიტორია, განხორციელდება. მათ გადაეცემათ ასევე მეორე მიწის ნაკვეთი, რომელიც მოიცავს 10 ჰექტარს", - განაცხადა ირაკლი ქარსელაძემ.

ცნობისთვის, კრწანისი-შინდისის მშენებარე გზის მიმდებარედ 29 ჰექტარი მიწა 6 326 495 ლარად გაიყიდა. აუქციონში მონაწილეობა მხოლოდ ერთმა სუბიექტმა მიიღო. 
 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

რა საფთხე ელოდება ონლაინ მედიას რეჟიმის ახალი ცენზურით

რატომ ჰგავს რეჟიმის ინიციატივა, დაამკვიდროს აღვირახსნილი ცენზურა რუსულ მოდელს - განვიხილავთ დეტალურად

„გაიარე მეტი უსაფრთხოდ“ - „თეგეტას“ ახალი კამპანია საგზაო უსაფრთხოების კულტურის გასაძლიერებლად

Anchorსაქართველოს ბანკისა და ლურჯი მოცვის მწარმოებელთა ასოციაციის თანამშრომლობის ფარგლებში, საქართველოს საერთაშორისო მოცვის ორგანიზაციის თავმჯდომარე ეწვია