ფინანსთა მინისტრის პირველი მოადგილე, შემოსავლების სამსახურის უფროსი გიორგი თაბუაშვილი, ქალაქ ვენაში, მსოფლიო ბანკის ფინანსური ანგარიშგების რეფორმის ცენტრის (CFRR) ორგანიზებულ მინისტერიალს დაესწრო.

ფინანსთა სამინისტროს ინფორმაციით, მინისტერიალის ძირითადი თემა იყო ხარისხიანი ფინანსური ანგარიშგების გავლენა ინვესტიციების ზრდასა და ეკონომიკურ განვითარებაზე.

მინისტერიალის ფარგლებში, გაიმართა სამუშაო შეხვედრა, რომელზეც რეფორმის პროგრესის განსახილველად და ფინანსური ანგარიშგების სფეროში გამოცდილების გასაზიარებლად, მოწვეული იყვნენ ცენტრალური, სამხრეთ-აღმოსავლეთ და აღმოსავლეთ ევროპის ქვეყნების წარმომადგენლები.

მინისტერიალზე ფინანსთა მინისტრის პირველმა მოადგილემ, გიორგი თაბუაშვილმა ისაუბრა ქვეყანაში ფინანსური ანგარიშგების და აუდიტის რეფორმის მნიშვნელობაზე, ძირითად გამოწვევებზე და იმ დახმარებაზე, რომელიც შესაძლოა, მსოფლიო ბანკმა და სხვა დონორმა ორგანიზაციებმა გაუწიონ საქართველოს მთავრობას რეფორმის წარმატებულად განხორციელებისთვის.

შეხვედრის ფარგლებში გაკეთდა პროგნოზები იმის თაობაზე, თუ რა მიღწევები შეიძლება ჰქონდეს საქართველოს აღნიშნული რეფორმის მიმართულებით შემდეგი მინისტერიალისთვის, რომელიც ტრადიციულად ორ წელიწადში ერთხელ ტარდება.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

რა საფთხე ელოდება ონლაინ მედიას რეჟიმის ახალი ცენზურით

რატომ ჰგავს რეჟიმის ინიციატივა, დაამკვიდროს აღვირახსნილი ცენზურა რუსულ მოდელს - განვიხილავთ დეტალურად

„გაიარე მეტი უსაფრთხოდ“ - „თეგეტას“ ახალი კამპანია საგზაო უსაფრთხოების კულტურის გასაძლიერებლად

Anchorსაქართველოს ბანკისა და ლურჯი მოცვის მწარმოებელთა ასოციაციის თანამშრომლობის ფარგლებში, საქართველოს საერთაშორისო მოცვის ორგანიზაციის თავმჯდომარე ეწვია