ევროპარლამენტის სამოქალაქო თავისუფლებათა, მართლმსაჯულებისა და საშინაო საქმეების კომიტეტმა საქართველოსთვის ვიზალიბერალიზაციის საკითხი გაიარა. საქართველოს შესახებ პირველი მოხსენება საშინაო საქმეების კომიტეტში ევროპის სახალხო პარტიის წარმომადგენელმა გააკეთა, პარალელურად ევროპელი დეპუტატები ასოცირების ხელშეკრულების შესრულების შესახებ საქართველოს მინისტრთა კაბინეტის წევრებს უსმენდნენ. კომიტეტის წევრებმა საქართველოსთვის ვიზალიბერალიზაციის მინიჭების საკითხს მხარი დაუჭირეს.

პროცედურულად იუსტიციისა და საშინაო საქმეების კომიტეტმა საქართველოსთან უვიზო მიმოსვლის საკითხი 2-ჯერ ან 3-ჯერ უნდა განიხილოს, რომლის შემდეგაც ხდება შიდა კენჭისყრა, რასაც მოჰყვება უკვე საკითხის გატანა ევროპარლამენტში.

დღევანდელ სხდომას ესწრებოდნენ საპარლამენტო კომიტეტის თანათავმდჯომარეებიც, რომლებმაც განაცხადეს, რომ სავიზო ლიბერალიზაციის გადადება იქნება არასწორი გზავნილი საქართველოს მოსახლეობისათვის.

„კომისიამ აღნიშნა, რომ ქართულმა მხარემ საკმაოდ ხანგრძლივი და ინტენსიური მუშაობის შემდეგ ყველა მოთხოვნა შეასრულა. დარწმუნებული ვარ ნებისმიერი სახის შეფერხება გადაწყვეტილების მიღებისას არასწორი სიგნალი იქნება, განსაკუთრებით აფხაზეთისა და სამხრეთ ოსეთისთვის, სადაც შეიძლება ეს აღიქვან ნეგატიურ კონტექსტში. ასე დიდი მნიშვნელობა აქვს იმას თუ როგორ ვუდგებით ამ საკითხს. ამ ეტაპზე, პირადად მე მხარს ვუჭერ ჩვენს მიდგომას, რომელიც გადაწყვეტილების მიღების ვადებს უკავშირდება,“ - განაცხადა კომიტეტის თანათავმჯდომარე საჯად კარიმმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მაისიდან მოყოლებული, უკრაინის შეიარაღებულმა ძალებმა ყირიმისკენ მიმავალ „სახმელეთო ხიდზე“ საწვავის ცისტერნებსა და სატვირთო მანქანებზე დაახლოებით 200 დარტყმა განახორციელეს.

Amnesty International - საქართველოში სამოქალაქო თავისუფლებები შემცირდა

საქართველოში ნებართვის გარეშე VI საუკუნის ეკლესია დაანგრიეს - ოცნების რეჟიმი არ რეაგირებს

UFC-ის ხელმძღვანელი: თოფურიამ თვალის სერიოზული ტრავმა მიიღო