სკოლა „ინტელექტში“ ესეების კონკურსის „საქართველო და ევროპა“ გამარჯვებულები ევროპულ და ევროატლანტიკურ სტრუქტურებში ინტეგრაციის საკითხებში სახელმწიფო მინისტრმა დავით ბაქრაძემ დააჯილდოვა.
კონკურსში, რომელიც სამოქალაქო განათლების კურსის ფარგლებში ჩატარდა, მონაწილეობა მე-10 და მე-11 კლასის მოსწავლეებმა მიიღეს.
ესეებში მათ დაასაბუთეს, თუ რატომ უნდა გახდეს საქართველო ევროკავშირის ნაწილი და
აღნიშნეს ის სირთულეები, რაც ამ პროცესს თან ახლავს.
დაჯილდოებამდე, სკოლის მოსწავლეების მიერ მომზადებული პრეზენტაცია და ვიდეორგოლი იქნა ნაჩვენები.
შეხვედრას დავით ბაქრაძე, ნატო-სა და ევროკავშირის შესახებ საინფორმაციო ცენტრის დირექტორის მოადგილე თამარ მედულაშვილი და სკოლის დირექტორი ორესტ პესჩანენკო ესწრებოდნენ.
მინისტრმა კონკურსში გამარჯვებულ სამ მოსწავლეს სიგელები და სამახსოვრო საჩუქრები გადასცა.
„ძალიან მნიშვნელოვანი იყო ჩემთვის ამ სკოლაში მოსწავლეებთან შეხვედრა. მოხარული ვიქნები, რომ მსგავსი ღონისძიებები ბევრ სხვა სასწავლებელშიც ჩატარდეს, რათა მაქსიმალურად გავრცელდეს ინფორმაცია და გაიზარდოს დაინტერესება ევროკავშირის, მისი ინსტრუმენტების, ღირებულებების მიმართ. ეს მრავალეთნიკური სკოლაა, როგორც დირექტორმა თქვა და ძალიან საინტერესო იყო მოსწავლეების თხზულებების მოსმენა, ასევე ძალიან საინტერესო კრეატიული კლიპის. მთლიანობაში, მგონია, რომ ეს ის გზაა, საითკენაც საქართველო უნდა განვითარდეს“, – განაცხადა დავით ბაქრაძემ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სოფელ ხრამში კაცის ცხედარი იპოვეს

შესაძლოა, აშშ-მ უახლოეს დღეებში ირანში გამდიდრებული ურანის ჩამორთმევის მიზნით სახმელეთო ოპერაცია დაიწყოს - The New York Times

Mercedes-მა, Volkswagen-ის შემდეგ, სამხედრო პროდუქციის წარმოების მზადყოფნა გამოაცხადა

რუსეთმა ლიმანის „ცეცხლოვანი კერის“ აღების შესახებ წელს მეორედ გამოაცხადა