ეკონომიკისა და მდგრადი განვითარების სამინისტროს სსიპ ინოვაციების და ტექნოლოგიების სააგენტო 16 -17 აპრილს  ტექნოპარკში სარეკლამო სფეროს ყველაზე დიდ მოვლენას ,,Cannes Lions’’ - ს მასპინძლობს.
ინოვაციებისა და ტექნოლოგიების სააგენტოს ინფორმაციით,  უკვე ჩატარდა   "ბეჭდური რეკლამის" და "ახალგაზრდა მარკეტერის" კონკურსი. 
მათივე ცნობით, 16 და 17 აპრილს კი მთელი დღის განმავლობაში "დიზაინის" და "ციფრული კამპანიის" კატეგორიებს დაეთმობა. დიზაინის კატეგორიაში კონკურსანტებს ჟიურის თავმჯდომარე გია ბოხუა შეაფასებს. ასევე ხვალ 16 აპრილს მარკეტინგის ჟიურის წევრები  მარკეტინგის კატეგორიაში 10 საუკეთესო გუნდს გაესაუბრება. ახალგაზრდა მარკეტერებს ჟიურის თავმჯდომარე რეზო ჩარკვიანი შეაფასებს. 

კრეატივის საერთაშორისო ფესტივალის “Cannes Lions”-ის ახალგაზრდულ კონკურსში წელს საქართველო 4 კატეგორიაში მიიღებს მონაწილეობას, ადგილობრივ კონკურსში გამარჯვებული გუნდები ივნისში კანში საერთაშორისო ფესტივალზე გაემგაზვრებიან და საკუთარ შესაძლებობებს მსოფლიოს საუკეთესოებს შორის მოსინჯავენ. ,,საქართველოს ინოვაციების და ტექნოლოგიების სააგენტო ხელს უწყობს საქართველოში კრეატიული ინდუსტრიის წინსვლას, ჩვენს ქვეყანაში საკმაოდ დიდი პოტენციალი არსებობს ამ სფეროს განვითარებისთვის, ჩვენი მიზანია მაქსიმალურად დავეხმაროთ მათ გაიზიარონ საერთაშორისო გამოცდილება და ახალი სიტყვა თქვან მსოფლიო კრეატიულ ბაზარზე, სწორედ ამიტომ კონკურსში გამარჯვებულები ჩვენი სააგენტოს ხელშეწყობით მიემგზავრებიან  კანში’’- განაცხადა საქართველოს ინოვაციების და ტექნოლოგიების სააგენტოს თავმჯდომარემ ირაკლი ქაშიბაძემ. 

“ კანის ლომების ფესტივალს დიდი ისტორია აქვს, ის 62 წელია ტარდება და ჩვენ ამ მარათონში ბოლო 2 წელია ჩავერთეთ. წელს ჩვენი პროექტის გენერალური მხარდამჭერია საქართველოს ინოვაციების და ტექნოლოგიების სააგენტო, მათი მხარდაჭერით საქართველო 4 გუნდით ანუ 8 ადამიანით წარსდგება ახალგაზრდულ ფესტივალზე და შეეცდება გამარჯვება მოუტანოს ქვეყანას. საქართველოში რეგისტრაცია 4 აპრილს დასრულდა, ქვეყნის ყველა წამყვანი სარეკლამო სააგენტო და დიდი კომპანია ჩაერთო პროექტში ეს უკვე დიდი გამარჯვებაა“ - განაცხადა  აკო ახალაიამ. 
 ფესტივალის წარმომადგენელი“ წელს ჩვენს მიერ მოწვეულ 30 კაციან ჟიურის, რომელიც დაკომპლექტებულია როგორც ადგილობრივი ასევე საერთაშორისო პროფესიონალებისგან განსაკუთრებულად რთული მუშაობა მოუწევთ, გენერალური მხარდამჭერის წყალობით არ არსებობდა რაიმე ფინანსური ვალდებულება სარეგისტრაციოდ, შესაბამისად ძალიან ბევრი სააგენტო და კომპანია დარეგისტრირდა, ჯამში ჩვენ გვყავს 232 მონაწილე, 33 სარეკლამო სააგენტო და 45 საქართველოს ბაზარზე მოქმედი კომპანია, რომლებიც მარკეტერების კატეგორიაში იღებენ მონაწილეობას.” -აღნიშნა კანის ფესტივალის წარმომადგენელმა  ლევან ლეფსვერიძემ.
 შეგახსენებთ, საქართველოში  წელს კანის ახალგაზრდული ფესტივალი ოთხ კატეგორიაში ჩატარდება, 9 აპრილი - ბეჭდური რეკლამა, 10 აპრილი - ახალგაზრდა მარკეტერები, 16 აპრილი - დიზაინი, 17 აპრილი - ციფრული კამპანიის დაგეგმვა. ღონისძიების ორგანიზატორია კანის ლომების ქართული წარმომადგენლობა, ღონისძიების გენერალური მხარდამჭერი საქართველოს ინოვაციების და ტექნოლოგიების სააგენტო, ღონისძიების ოფიციალური მასპინძელია ტექნოპარკი.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ირანი ფარულად ემზადება აშშ-სა და ისრაელის წინააღმდეგ ომის გაფართოებისთვის - The Wall Street Journal

The Telegraph: რუსეთმა ნატოს საზღვრებზე „შაჰიდების“ განსათავსებლად 10 ბაზა ააშენა

კრიშტიანუ რონალდუმ და მისმა მეუღლემ, ჯორჯინამ, ქორწილში დემნა გვასალიას კოსტიუმები ჩაიცვეს

ივანიშვილის მთავრობა ზამთრის ოლიმპიადაზე საქართველოს გუნდს ფულად პრიზებს გადასცემს