საქართველოს ახალგაზრდა იურისტთა ასოციაციის თავმჯდომარის ანა ნაცვლიშვილის განცხადებით, კამპანიის „სამართალი ითხოვს“ ფარგლებში არასამთავრობო ორგანიზაციები საკანონმდებლო ცვლილებებს ითხოვენ.
როგორც ნაცვლიშვილმა აღნიშნა, დღეს მოსამართლეთა საკანონმდებლო გარანტიები არ არსებობს.
„ვითხოვთ, რომ სასამართლო სისტემაში განხორციელდეს რეალური საკანონმდებლო ცვლილებები, რომ პრაქტიკაში იყოს უზრუნველყოფილი ინდივიდუალური მოსამართლეების დამოუკიდებლობა. მათ ჰქონდეთ უზრუნველყოფილი ამ დამოუკიდებლობის საკანონმდებლო გარანტიები. დღეს ეს გარანტიები არ არსებობს და სწორედ ამიტომ მძლავრობენ კონკრეტული ჯგუფები, რომლებიც ცდილობენ კონტროლი დაამყარონ მთლიან სასამართლო სისტემაზე“, - განაცხადა საია-ს თავმჯდომარემ.

მისივე თქმით, კამპანია „სამართალი ითხოვს“ არის მოქალაქეების და ის მოუწოდებს საზოგადოებას, აქტიურად ჩაერთონ აღნიშნულ კამპანიაში.

ნაცვლიშვილი არ გამორიცხავს, რომ კამპანიის ფარგლებში ქუჩის აქციები განხორციელდეს.
„ეს კამპანია არის მოქალაქეების და იმედი გვაქვს, საზოგადოება ჩაერთვება კამპანიაში. კამპანია გამოიყენებს ქუჩის აქციებს, მშვიდობიან და სამართლიან ფორმებში იმიტომ, რომ ეს არ არის საკითხი, რომელზეც შეიძლება ადამიანები არ იყვნენ გულგრილნი და ნეიტრალურნი“, - აღნიშნა ანა ნაცვლიშვილმა.

ნაცვლიშვილის განმარტებით, საკანონმდებლო ცვლილებებთან ერთად ისინი მოითხოვენ, რომ სასამართლოს თავმჯდომარეებს აღარ ჰქონდეთ უფლებამოსილება საქმეები თვითნებურად სხვადასხვა მოსამართლეებს მიაწერონ.

მისივე თქმით, კამპანიას „სამართალი ითხოვს“ აქტიური კომუნიკაცია ექნება, როგორც საკანონმდებლო ორგანოსთან, ასევე, იუსტიციის სამინისტროსთან.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ირანი ფარულად ემზადება აშშ-სა და ისრაელის წინააღმდეგ ომის გაფართოებისთვის - The Wall Street Journal

The Telegraph: რუსეთმა ნატოს საზღვრებზე „შაჰიდების“ განსათავსებლად 10 ბაზა ააშენა

კრიშტიანუ რონალდუმ და მისმა მეუღლემ, ჯორჯინამ, ქორწილში დემნა გვასალიას კოსტიუმები ჩაიცვეს

ივანიშვილის მთავრობა ზამთრის ოლიმპიადაზე საქართველოს გუნდს ფულად პრიზებს გადასცემს