„საქართველოს პრემიერ-მინისტრის, გიორგი კვირიკაშვილის საქმიანობას უაღრესად დადებითად და პროდუქტიულად შევაფასებ და ამას  არაერთი კვლევაც ადასტურებს“ - ამის შესახებ ვიცე-პრემიერმა, დიმიტრი ქუმსიშვილმა ჟურნალისტებს განუცხადა. მედიის წარმომადგენლები დაინტერესდნენ, თუ როგორ აფასებენ საქართველოს მთავრობის წევრები პრემიერ-მინისტრის პოსტზე გიორგი კვირიკაშვილის საქმიანობის ას დღეს.

„გაჩნდა ასეთი ფენომენი - „გიორგი კვირიკაშვილის ეფექტი“, რომელიც პირდაპირ აისახა ბიზნესის დამოკიდებულებაზე ბიზნესის კეთებისადმი და იმ მონდომებისადმი, რომ უფრო მეტი ბიზნესი დაიწყოს და განვითარდეს საქართველოში. პრემიერ-მინისტრის მიერ დაანონსებული ყველა რეფორმა ამ წუთში მიმდინარეობს. მათ შორის გადასახადების დაწევის ნაწილში ყველაზე მნიშვნელოვანი რეფორმის განხილვა პარლამენტის კომიტეტებში უკვე დაიწყო და ვიმედოვნებთ, რომ გვექნება ძალიან დიდი მხარდაჭერა. პრაქტიკულად დასრულებული გვაქვს და უახლოეს დღეებში დაანონსდება „სტარტაფების“  მიმართულება. ასევე ჩავატარეთ განათლების რეფორმის პრეზენტაცია და რეფორმა უკვე მოქმედებაშია“ - აღნიშნა დიმიტრი ქუმსიშვილმა.

ვიცე-პრემიერის შეფასებით, ასევე ძალიან მნიშვნელოვანია პრემიერ-მინისტრის მიერ ინიცირებული სივრცითი განვითარების რეფორმა.

„ამ მიმართულებით ჩვენ ძალიან აქტიურად ვმუშაობთ დონორ ორგანიზაციებთან. ასევე აქტიურად ვმუშაობთ ინფრასტრუქტურის განვითარებისთვის და აქაც არაერთი მნიშვნელოვანი პროექტი გვექნება, ეს არის გზები, ხიდები და ის მნიშვნელოვანი ინფრასტრუქტურა, მათ შორის ანაკლიის პორტი,  რომელიც ქვეყანას კიდევ უფრო გააძლიერებს და გააჯანსაღებს. ასევე ვგეგმავთ ძალიან მნიშვნელოვანი პროექტების, მათ შორის მულახის თემისა და თუშეთის სივრცით განვითარებას. ვფიქრობთ ასევე მალთაყვის ნაწილში გავაკეთოთ სივრცითი განვითარება. ეს ყველაფერი, რა თქმა  უნდა, დადებითად წაადგება ქვეყნის ეკონომიკურ განვითარებას“ - განაცხადა ვიცე-პრემიერმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

რატომ ჰგავს რეჟიმის ინიციატივა, დაამკვიდროს აღვირახსნილი ცენზურა რუსულ მოდელს - განვიხილავთ დეტალურად

„გაიარე მეტი უსაფრთხოდ“ - „თეგეტას“ ახალი კამპანია საგზაო უსაფრთხოების კულტურის გასაძლიერებლად

Anchorსაქართველოს ბანკისა და ლურჯი მოცვის მწარმოებელთა ასოციაციის თანამშრომლობის ფარგლებში, საქართველოს საერთაშორისო მოცვის ორგანიზაციის თავმჯდომარე ეწვია

საერთაშორისო განათლების ახალი შესაძლებლობები - საქართველოს ბანკისა და LEAF-ის ახალი პარტნიორობა