დიდმა ბრიტანეთმა რუსეთის წინააღმდეგ დაწესებული სანქციების სია გააფართოვა, - ამის შესახებ განცხადებას დიდი ბრიტანეთის მთავრობა ავრცელებს.

დიდმა ბრიტანეთმა რუსეთის წინააღმდეგ 70 ახალი სანქცია დააწესა, რომელთა სამიზნე რუსეთის „ჩრდილოვანი ფლოტის“ ტანკერები, სამხედრო შესყიდვებისა და უკანონო ფინანსური ქსელებია, რომლებიც სანქციებისთვის გვერდის ავლის მიზნით გამოიყენება.

სანქციების სიაში რუსეთის „ჩრდილოვანი ფლოტის“ 20-ზე მეტი ნავთობტანკერი მოხვდა. ასევე, დიდმა ბრიტანეთმა სანქციები დაუწესა იმ ფიზიკურ და იურიდიულ პირებს, რომლებიც რუსეთის მიერ ნავთობის უკანონო ვაჭრობას ხელს უწყობენ.

„ეს სანქციები მიმართულია იმ გემების, თანხებისა და პირების წინააღმდეგ, რომლებიც მხარს უჭერენ რუსეთის სამხედრო ეკონომიკას და შესაბამისად, საფრთხეს უქმნიან ევროპის უსაფრთხოებას“, - განაცხადა დიდი ბრიტანეთის პრემიერ-მინისტრმა, კირ სტარმერმა.

ახალი სანქციები შეეხო რუსეთის სამხედრო დაზვერვის ქსელს, კერძოდ კომპანია LLC Neptune Co Ltd-ს (Neptune). დიდი ბრიტანეთის მთავრობის განცხადებით, Neptune რუსეთის შეიარაღებული ძალებისთვის დასავლური ტექნოლოგიების ფარულად შეძენაშია ჩართული.

ასევე, სანქციები გავრცელდა მესამე ქვეყნების კომპანიებზე, რომლებიც რუსეთს შეიარაღებას აწვდიან, კერძოდ კომპანიებზე ჩინეთიდან, ტაილანდიდან და თურქეთიდან.

ავტორი: ექსპრესნიუსი,

სოციალური ქსელები

ტრამპმა პირობა დადო, რომ ჰორმუზის სრუტეს აშშ-ის ტერიტორიად გამოაცხადებდა

უკრაინამ „ფლამინგოს“ ტიპის რაკეტა დაარტყა სამარის კოსმოსურ ცენტრს, რომელიც რუსული Starlink-ის ეკვივალენტისთვის რაკეტებს აწარმოებს

სუს-მა დიდი ოდენობით თაღლითობისა და თაღლითობის მცდელობის ფაქტზე, საქართველოს ხუთი და თურქეთის რესპუბლიკის ერთი მოქალაქე დააკავა

სამართალდამცველებმა ჯგუფურად ჩადენილი ქურდობისა და ძარცვის ბრალდებით 5 არასრულწლოვანი დააკავეს