2016-04-04 10:07:52, 454 ნახვა
პოლიტიკა
კალაძე არ გამორიცხავს, კოალიცია არჩევნების შემდეგ ისევ შეიქმნას
"არ გამოვრიცხავ, რომ შესაძლებელი იყოს, შემდეგ შეიქმნას ისევ კოალიცია",- ამის შესახებ ვიცეპრემიერმა, ენერგეტიკის მინისტრმა კახი კალაძემ ჟურნალისტებს განუცხადა.
მისივე თქმით, დღევანდელი მოცემულობით, კოალიციაში შემავალი პარტიები არჩევნებში დამოუკიდებლად მიიღებენ მონაწილეობას.
"არჩევნებზე ვაპირებით, რომ ყველამ თავისი პარტია თავისი სახეებით წარადგინოს. შესაბამისად არჩევნების შემდეგ მივიღებთ გადაწყვეტილებას, რა ფორმატში იქნება თანამშრიმლობა მომავალ პარლამენტში. არ გამოვრიცხავ, რომ შესაძლებელი იყოს შემდეგ შეიქმნას ისევ კოალიცია", - განაცხადა კალაძემ.
კითხვაზე- თუ დარჩებიან ძველი სახეები, მინისტრმა ასე უპასუხა: " ალბათ, ვიღაცები დარჩებიან, რა თქმა უნდა"
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
