ევროკომისარი მიგრაციის, საშინაო საქმეთა და მოქალაქეობის საკითხებში დიმიტრის ავრამოპულოსი შინაგან საქმეთა სამინისტროს ეწვია და შს მინისტრის მოადგილე არჩილ თალაკვაძეს შეხვდა.

შსს-ს ინფორმაციით, შეხვედრაზე სავიზო რეჟიმის ლიბერალიზაციის სამოქმედო გეგმის ფარგლებში გატარებული რეფორმები და სამუშაო განიხილეს.

არჩილ თალაკვაძემ და ევროკომისარმა ყურადღება გაამახვილეს ორგანიზებულ დანაშაულთან ბრძოლის, მიგრაციის სამსახურის რეფორმისა და საზღვრის ინტეგრირებული მართვის საკითხებზე. საუბარი შეეხო, ასევე, საქართველოსა და ევროპოლს შორის არსებულ თანამშრომლობას და იმ მაღალი დონის ხელშეკრულებას, რომელსაც მხარეებმა ხელი უახლოეს მომავალში უნდა მოაწერონ.

ევროკომისარმა დიმიტრის ავრამოპულოსმა საქართველოსადმი მტკიცე მხარდაჭერა კიდევ ერთხელ დაადასტურა. მისი თქმით, ჩატარებული რეფორმებით საქართველომ არაერთ ქვეყანას კარგი მაგალითი მისცა და იგი კვლავაც განაგრძობს წარმატებულ სვლას ევროპული ინტეგრაციის გზაზე.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

საია - გავრცელებული შემაშფოთებელი კადრები სისტემური და სისტემატური საპოლიციო ძალადობის კიდევ ერთ ილუსტრაციას წარმოადგენს, რომელიც წლების განმავლობაში ავტორიტარული რეჟიმის ხელწერად იქცა

პირმა წარსულში არსებული დავის ნიადაგზე 2 კაცი მოკლა

ახმეტაში, შვილის გადარჩენის მცდელობისას მამაკაცი ტბაში დაიხრჩო

ბრიტანეთმა რუსული „ჩრდილოვანი ფლოტის“ ტანკერი დააკავა