2026-05-07 13:24:41, 2915 ნახვა
სამართალი
ჯანგველაძის საქმეში ორ ბრალდებულს პატიმრობა მიესაჯა
სასამართლომ მამუკა ბაღდავაძე და გიორგი კაჭკაჭაშვილი, რომლებიც ბრალდებულები იყვნენ ბიზნესმენ ლევან ჯანგველაძის შეკვეთით მკვლელობის საქმეზე ცალკე წარმოებაში გამოყოფილ ეპიზოდში, დამნაშავედ ცნო.
მოსამართლე დემეტრა ჯინჯოლიას გადაწყვეტილებით, კაჭკაჭაშვილს 10 წლით, ხოლო მამუკა ბაღდავაძეს 7 წლით თავისუფლების აღკვეთა მიესაჯა.
გიორგი კაჭკაჭაშვილს ბრალი სისხლის სამართლის კოდექსის 236-ე მუხლით წაუყენეს, რაც ცეცხლსასროლი იარაღისა და საბრძოლო მასალის ჯგუფურად უკანონო შეძენას, შენახვასა და გასაღებას გულისხმობს.
მამუკა ბაღდავაძეს ბრალი სისხლის სამართლის კოდექსის 370-ე და 375-ე მუხლებით წაუყენეს, რაც ცრუ ჩვენების მიცემას და დანაშაულის დაფარვას გულისხმობს.
ავტორი: ექსპრესნიუსი,
epn.ge (@expressnews.ge)
