ივანიშვილის საგარეო საქმეთა მინისტრი, მაკა ბოჭორიშვილი უარყოფს, რომ „ქართული ოცნების“ მიერ 2024-2025 წლებში მიღებული კანონების გამო საქართველოში პროექტები გაუქმდა ან შეჩერდა. ამის შესახებ მან პარლამენტში ინტერპელაციის წესით გამოსვლის დროს განაცხადა.

ოპოზიციური პარტია „გახარია საქართველოსთვის“ დასმული კითხვის პასუხად მან თქვა, რომ „რაც შეეხება 2024-2025 წლებში მიღებულ კანონებს და რეგულაციებს, რომლებიც მიზნად ისახავდა უცხოური ჩარევების პრევენციას პოლიტიკაში და უცხოური გავლენის გამჭვირვალობას, არცერთი პროექტი არ შეუჩერებია ან გაუუქმებია...“

ამის დასტურად მან მოიყვანა სტატისტიკური მონაცემები, რომლის მიხედვითაც 2025 წლის 16 აპრილიდან 2026 წლის 8 აპრილის ჩათვლით მთავრობამ განიხილა 165 საგრანტო წინადადება, საიდანაც 95% შემთხვევაში დადებითი პასუხი გასცა. რაც ნიშნავს, რომ დაახლოებით 8 შემთხვევაში გრანტის გაცემაზე უარი თქვეს.

„აქედან შეგიძლიათ იმსჯელოთ, თუ როგორია საქართველოს მთავრობის დამოკიდებულება პროექტების განხორციელებასთან დაკავშირებით. შეგვიძლია თამამად ვთქვათ, რომ არცერთ პროექტზე, რომელიც საქართველოს ეროვნული ინტერესების წინააღმდეგ არ იყო, არ თქმულა უარი“, - თქვა მაკა ბოჭორიშვილმა, „ქართული ოცნების“ მთავრობის საგარეო საქმეთა მინისტრმა.

ავტორი: ექსპრესნიუსი,

სოციალური ქსელები

ირანი ფარულად ემზადება აშშ-სა და ისრაელის წინააღმდეგ ომის გაფართოებისთვის - The Wall Street Journal

The Telegraph: რუსეთმა ნატოს საზღვრებზე „შაჰიდების“ განსათავსებლად 10 ბაზა ააშენა

კრიშტიანუ რონალდუმ და მისმა მეუღლემ, ჯორჯინამ, ქორწილში დემნა გვასალიას კოსტიუმები ჩაიცვეს

ივანიშვილის მთავრობა ზამთრის ოლიმპიადაზე საქართველოს გუნდს ფულად პრიზებს გადასცემს