ბერძენი ტურისტები აია-სოფიაში დააკავეს მას შემდეგ, რაც გაშალეს დროშა, რომელზეც ბიზანტიის იმპერიის ორთავიანი არწივი იყო გამოსახული და რომელზეც ლოზუნგი იყო „მართლმადიდებლობა ან სიკვდილი“.

სათვალთვალო კამერებმა დააფიქსირეს ტურისტები, რომლებიც 9 აპრილს საბერძნეთიდან ტურისტული ჯგუფის შემადგენლობაში ჩამოვიდნენ, უსაფრთხოების შემოწმების გავლისას.

NTV-ის ცნობით, მეჩეთის ზედა სართულზე, რომელიც ვიზიტორებისთვის ღიაა, ტურისტებმა ამოიღეს ბიზანტიური ორთავიანი არწივის გამოსახულებით ბანერი და ერთმანეთის ფოტოების გადაღება დაიწყეს.

როდესაც ისინი ბანერის წინ პოზირებდნენ, უსაფრთხოების ძალები ჩაერივნენ.

პოლიციამ დააკავა 35 წლის მაზი მიქაელი და 42 წლის კონსტანტინა მაზი.

ტურისტები სტამბოლის იუსტიციის სასახლეში გადაიყვანეს, სადაც ისინი „მოსახლეობის ნაწილის დამცირების“ ბრალდებით დააკავეს.

აია-სოფიას ტაძარი ათასი წლის განმავლობაში ბიზანტიის იმპერიის მთავარი ქრისტიანული ეკლესია იყო. კონსტანტინოპოლის ოსმალეთის თურქების მიერ დაცემის შემდეგ, ის მეჩეთად გადაკეთდა. XX საუკუნეში მუსტაფა ქემალ ათათურქმა აია-სოფიას ტაძარი მუზეუმად გამოაცხადა, თუმცა თურქეთის ამჟამინდელმა პრეზიდენტმა რეჯეფ თაიფ ერდოღანმა ეს გადაწყვეტილება 2020 წელს გააუქმა და აია-სოფიას ტაძარი მეჩეთად გადაკეთდა.

ავტორი: ექსპრესნიუსი,

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს