გარდიანის ინფორმაციით, რუსეთის პრეზიდენტმა ვლადიმერ პუტინმა ქვეყნის ოლიგარქებს მოუწოდა, ფინანსური წვლილი შეიტანონ რუსეთის შემცირებულ თავდაცვის ბიუჯეტში, რათა გაგრძელდეს უკრაინაში მიმდინარე ომი. 

გამოცემა წერს, რომ კრემლი კონფლიქტის დასრულებას დონბასზე სრული კონტროლის მოპოვებას უკავშირებს.

Financial Times იუწყება, რომ სულ მცირე ორმა ბიზნესმენმა უკვე გამოთქვა მზადყოფნა, მონაწილეობა მიიღოს ბიუჯეტის შევსებაში. ამასთან, მოსკოვი აგრძელებს სამხედრო მოქმედებებს, მიუხედავად იმისა, რომ ბოლო მოლაპარაკებებზე უკრაინამ უარი თქვა დონბასიდან ერთპიროვნულ გასვლაზე.

კრემლის პრესპიკერის, დიმიტრი პესკოვის,განცხადებით, რუსეთი მზადაა აშშ-სთან სამშვიდობო მოლაპარაკებების ახალი რაუნდისთვის, თუმცა მთავარი საკითხები, მათ შორის ტერიტორიული, კვლავ მოუგვარებელია.

რუსეთის თავდაცვის ბიუჯეტი გასულ წელს 42%-ით გაიზარდა და 13.1 ტრილიონ რუბლს მიაღწია. ეკონომიკური ზეწოლის ფონზე, ხელისუფლება დამატებით საგადასახადო ზომებსაც განიხილავს. ეკონომიკის მინისტრმა განაცხადა, რომ რუბლის გაუფასურების შემთხვევაში, შესაძლოა ახალი ერთჯერადი გადასახადიც დაწესდეს. 

ამავე დროს, რუსეთის ბიუჯეტის დეფიციტი წლის დასაწყისში მკვეთრად გაიზარდა, რაც დასავლეთის სანქციებისა და ნავთობის შემცირებული ფასით გაყიდვის შედეგია. მანამდე პუტინმა ბიზნესს მოუწოდა სიფრთხილისკენ და აღნიშნა, რომ ნავთობის ფასების ზრდით მიღებული დამატებითი შემოსავლების არასწორად ხარჯვა საფრთხეს შეიცავს.

ამ ფონზე, უკრაინის პრეზიდენტი ვოლოდიმირ ზელენსკი აკრიტიკებს აშშ-ის მიდგომას. ზელენსკიმ Reuters-თან ინტერვიუში განაცხადა, რომ აშშ-მ უკრაინას უსაფრთხოების გარანტიები რუსეთისთვის დონბასის რეგიონის დათმობის სანაცვლოდ შესთავაზა.

"ამერიკელები მზად არიან ამ გარანტიების მაღალ დონეზე გაფორმებისთვის მას შემდეგ, რაც უკრაინა დონბასიდან გასვლისთვის მზად იქნება" - თქვა ზელენსკიმ. მისი თქმით, ასეთი ნაბიჯი დაასუსტებს როგორც უკრაინის, ისე ევროპის უსაფრთხოებას, რადგან რეგიონში არსებული ძლიერი თავდაცვითი პოზიციები რუსეთს გადაეცემა.

აშშ-ს სახელმწიფო მდივანმა, მარკო რუბიომ ტყუილი უწოდა ზელენსკის განცხადებას.

რუბიოს თქმით, ტრამპის ადმინისტრაციას არ მოუთხოვია უკრაინისგან, რომ კიევი აშშ-სგან უსაფრთხოების გარანტიებს მხოლოდ იმ შემთხვევაში მიიღებს, თუ უკრაინა რუსეთს დონბასის რეგიონს დაუთმობს.

"მისთვის ეს არ უთქვამთ. რაც ვუთხარით ძალიან აშკარა რამაა: უსაფრთხოების გარანტიები ძალაში ომის დასრულებამდე ვერ შევა, რადგან სხვაგვარად შენ ომში ერთვები. რას ნიშნავს უსაფრთხოების გარანტია? ეს ნიშნავს სამხედროებს, რომლებიც მზად არიან ჩაერიონ და უსაფრთხოება უზრუნველყონ. თუ ამას ახლავე აამოქმედებ, ეს ნიშნავს, რომ შენს თავს ომში რთავ." - განცხადა რუბიომ.

რუბიოს მიხედვით, ზელენსკის უთხრეს, რომ "უსაფრთხოების გარანტიები მხოლოდ ომის დასრულების შემდეგ ხდება, მაგრამ ეს არ იყო მიბმული ტერიტორიის დათმობაზე."

ავტორი: ექსპრესნიუსი,

სოციალური ქსელები

გოცირიძე: ხალხი ისევ მოატყუეს, 15 დასახელების პროდუქტზე ფასდაკლების დაპირება ბლეფი იყო

ბიზნესმენი ნიკა ლომია აფხაზეთის სკოლის კურსდამთავრებულების განათლებას დააფინანსებს

ივანიშვილის წარმომადგენელი ბოჭორიშვილი განმარტავს, რატომ არ დაუჭირა მხარი, პუტინის წინააღმდეგ ტრიბუნალის შექმნას

ოცნების რეჟიმმა მხარი არ დაუჭირა იმ ადამიანის გასამართლებას, ვინც 412 ქართველის მოკლა და ანწუხელიძე აწამა