შვედეთის საგარეო - მოვუწოდებთ საქართველოს ხელისუფლებას, შეცვალოს თავისი ავტორიტარული კურსი

2026-03-06 21:21:08, 3887 ნახვა

პოლიტიკა

შვედეთის საგარეო საქმეთა სამინისტრო სოციალურ ქსელ X-ზე ეხმაურება ქართული ოცნების მიერ გრანტების რუსული კანონის მიღებას და ივანიშვილის რეჟიმს ავტორიტარული კურსის შეცვლისკენ მოუწოდებს.

უწყების განცხადებით გრანტების რუსული კანონი შეუთავსებელია დემოკრატიულ პრიციპებთან და საქართველოს მიერ საერთაშორისოდ ნაკისრ ვალდებულებებთან.

"საქართველოში ვითარება კიდევ უფრო უარესდება. მმართველი პარტიის მიერ მიღებული ახალი კანონმდებლობა ეფექტურად შეაფერხებს ყველა სახის უცხოურ დაფინანსებას დამოუკიდებელი ორგანიზაციებისთვის, სისხლისსამართლებრივ პასუხისმგებლობას აკისრებს ძირითად სამოქალაქო საქმიანობას და ხელს შეუშლის პოლიტიკურ აქტივობას. ეს შეუთავსებელია დემოკრატიულ პრინციპებთან და საქართველოს საერთაშორისო ვალდებულებებთან ადამიანის უფლებების დაცვის მიმართულებით.

მოვუწოდებთ საქართველოს ხელისუფლებას, შეცვალოს თავისი ავტორიტარული კურსი. შვედეთი კვლავ რჩება ქართველი ხალხის დიდი ხნის მეგობრად და საიმედო პარტნიორად" - ნათქვამია შვედეთის საგარეო საქმეთა სამინისტროს განცხადებაში.

The situation in Georgia is deteriorating further. New legislation adopted by the ruling party would effectively prevent all foreign funding to independent organisations, criminalise core civic activity, and impede political activity. This is incompatible with democratic… https://t.co/wGvBt2r5ut
— Swedish Ministry for Foreign Affairs (@SweMFA) March 6, 2026